ӨГЛӨӨНИЙ МЭНД!
Өнөөдөр 2024.11.12. Энэ оны 317 дэх өдөр бөгөөд он дуусахад 49 хоног үлдэж байна. Монгол эх оронд маань нар 07 цаг 54 минутад мандаж, 17 цаг 18 минутад жаргана.
Улаанбаатарт цэлмэг. Өдөртөө 2 хэм дулаан, шөнөдөө 10 хэм хүйтэн байна. Та хувцсаа тохируулж өмсөөд гараарай.
Өнөөдөр Хатгаа өвчинтэй тэмцэх олон улсын өдөр тохиож байгаа бол Азербайжанд Үндсэн хуулийн, Индонезид Аавуудын, Тайваньд Соёлын сэргэн мандалтын, Коморын арлуудад Үндэсний баяр, Зүүн Тиморт Залуусын өдрийг тэмдэглэж байна.
Энэ өдөр Америкийн жүжигчин, Оскарын шагналт Энн Хэтэуэй, Канадын жүжигчин Райан Гослинг, Вьетнамын төгөлдөр хуурч Тран Тху Ха, Японы манга зураач Минами Канан зэрэг алдартан мэндэлжээ.
Энэ өдөр дэлхий дахинд болсон онцлох үйл явдлууд:
1910 оны энэ өдөр анхны орлон тоглогч кино зураг авалтын үеэр шатаж байгаа агаарын бөмбөлгөөс Гузон голд үсэрчээ.
1917 оны энэ өдөр Петроградын Өвлийн ордныг Улсын музей болгов.
1933 оны энэ өдөр Германы парламентын сонгуульд Нацист нам 92 хувийн саналаар ялалт байгуулжээ.
1945 оны энэ өдөр Югославын Ерөнхийлөгчийн сонгуульд Иосип Броз Тито ялав.
1973 оны энэ өдөр хип-хоп хөгжим төрсөн гэж үздэг.
1990 оны энэ өдөр Японы Эзэн хаан Акихито хаан ширээнд заларчээ.
Билгийн тооллын 11. Тухайн өдөр хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой.
Өнөөдөр үс засуулбал эрхтэн хурц болно.
Өнөөдрийн ажилд тань амжилт хүсье!
Холбоотой мэдээ
Сэтгэгдэл ( 0 )