ӨГЛӨӨНИЙ МЭНД!
Өнөөдөр 2024.11.20. Энэ оны 325 дахь өдөр бөгөөд он дуусахад 41 хоног үлдэж байна. Монгол эх оронд маань нар 08 цаг 06 минутад мандаж, 17 цаг 10 минутад жаргана.
Улаанбаатарт цэлмэг. Өдөртөө 1 хэм дулаан, шөнөдөө 8 хэм хүйтэн байна. Та хувцсаа тохируулж өмсөөд гараарай.
Өнөөдөр Олон улсын Хүүхдийн өдөр. Их Британид өнөөдөр Хатан хаан Элизабетын хуримын өдөр, Төрийн далбааны өдөр юм. Мексикт Мексикийн хувьсгалын ойн өдөр, Орост Тээврийн ажилтнуудын өдөр бол Украинд Хөдөө аж ахуйн ажилтны өдөр.
Энэ өдөр Америкийн жүжигчин, фото модель Бо Дерек, Шон Янг, Япон, Америк, Оросын уран гулгагч Юко Кавагүти, Украин, Оросын балетчин Сергей Полунин, Их Британийн дуучин Конни Талбот зэрэг алдартан төрсөн өдрөө тэмдэглэж байна.
Энэ өдөр дэлхий дахинд болсон онцлох үйл явдлууд:
1910 — Мексикийн хувьсгал эхлэв.
1917 — Бүгд найрамдах Украин ард улсыг зарлан тунхаглажээ.
1962 — Карибын хямрал дуусав.
1979 — Анх удаагаа өвчтөнд хиймэл цус хийжээ.
1990 — Wуврал алуурчин Андрей Чикатилог баривчлав.
2003 —Истанбулын төвд террорист ажиллагаа болжээ.
Билгийн тооллын 20. Тухайн өдөр луу, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, хүүхэд үрчлэн авах, улааны үйл, хур оруулах, дархны үйлд сайн. Төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой.
Өнөөдөр үс засуулбал өлсөж ундаасна.
Өнөөдрийн ажилд тань амжилт хүсье!
Холбоотой мэдээ
Сэтгэгдэл ( 0 )