ӨГЛӨӨНИЙ МЭНД!

Өнөөдөр 2024.12.02. Энэ оны 337 дахь өдөр бөгөөд он дуусахад 29 хоног үлдэж байна. Монгол эх оронд маань нар 08 цаг 22 минутад мандаж, 17 цаг 01 минутад жаргана.

Улаанбаатарт цэлмэг. Өдөртөө 10 хэм, шөнөдөө 23 хэм хүйтэн байна. Та хувцсаа тохируулж өмсөөд гараарай.

Өнөөдөр Боолчлолыг устгах олон улсын өдөр, Дэлхийн ирээдүй судлалын өдөр тохиож байгаа бол Энэтхэг Байгаль орчны бохирдлоос сэргийлэх өдөр, Иран Үндсэн хуулийн өдөр, Куба Хувьсгалт Зэвсэгт хүчний баяр, АНЭУ Тусгаар тогтнолын өдөр, Лаос Үндэсний баяраа тэмдэглэж байна.

Өнөөдөр Шведийн хатан Сильвия, Испанийн хөлбөмбөгч, дасгалжуулагч Висенте Дель Боске, Болгарын яруу найрагч Илко Димитров, Францын Тэргүүн хатагтай асан, топ модель, дуучин Карла Бруни, Америкийн жүжигчин Анжела Жонс, Шотландын хөлбөмбөгч Кенни Миллер, Унгарын хөлбөмбөгч Балаж Джуджак, Оросын уран гулгагч, Европын аварга Дмитрий Козловский зэрэг алдартны төрсөн өдөр.

Энэ өдөр дэлхий дахинд болсон онцлох үйл явдлууд:

1409 оны энэ өдөр Германы Лейпцигийн их сургууль нээгджээ.

1876 оны энэ өдөр Османы эзэнт гүрний анхны Үндсэн хуулийг баталжээ.

1953 оны энэ өдөр ЗСБНХУ-д Л.П.Берия, В.Н.Меркулов, Б.З.Кобулов, С.А.Гоглизе, П.Я.Мешик, В.Г.Деканозов, Л.Е.Влодзимирский нарыг буудан хороожээ.

1954 оны энэ өдөр Америкийн мэс засалч Жозеф Мюррей, Хартвелл Харрисон нар түүхэнд анх удаагаа бөөр шилжүүлэн суулгасан байна.

1972 оны энэ өдөр Андын нуруунд сүйрсэн онгоцноос 73 хоногийн дараа 16 хүнийг аварчээ. Тэд амьд үлдэхийн тулд амиа алдсан зорчигчдын цогцосноос идсэн байсан аж.

1979 оны энэ өдөр Зөвлөлтийн дайчид Кабулыг эзэлжээ.

1990 оны энэ өдөр Словен Югославаас тусгаар улс болох тухай бүх нийтийн санал асуулгаар иргэдийн 95 хувь нь Югославаас тусгаар болохын төлөө саналаа өгчээ.

1993 онд хар тамхины хаан гэгддэг Пабло Эскобарын амийг хөнөөжээ.

2008 оны энэ өдөр Гвинейд төрийн эргэлт болов.

Билгийн тооллын 1. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хүүхэд үрчлэн авах, урлан бүтээхэд сайн. Улаа гаргах, хиншүү хярвас гаргах, төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой.

Өнөөдөр үс засуулбал нас ахар болно.

Өнөөдрийн ажилд тань амжилт хүсье!