ӨГЛӨӨНИЙ МЭНД!

Өнөөдөр 2024.12.06. Энэ оны 341 дахь өдөр бөгөөд он дуусахад 25 хоног үлдэж байна. Монгол эх оронд маань нар 08 цаг 27 минутад мандаж, 17 цаг 00 минутад жаргана.

Улаанбаатарт үүлэрхэг. Өдөртөө 10 хэм, шөнөдөө 17 хэм хүйтэн байна. Та хувцсаа тохируулж өмсөөд гараарай.

Өнөөдөр Испанид Үндсэн хуулийн өдөр бол Азербайжанд Харилцаа холбоо, мэдээллийн технологийн, Финландад Тусгаар тогтнолын, Канадад Эмэгтэйчүүдийн эсрэг хүчирхийллийг эсэргүүцэх, Украинд Зэвсэгт хүчний өдөр.

Энэ өдөр Японы хөгжмийн зохиолч Жо Хисаиши, Америкийн кино найруулагч, продюсер Жадд Апатоу, Шведийн хөгжмийн зохиолч Ульф Экберг, Португалийн хөлбөмбөгч Педро Рафаел Амадо Мендес, Испанийн дугуйн уралдаанч Альберто Контадор Веласко зэрэг алдартны төрсөн өдөр.

Энэ өдөр Монгол Улсын түүхэнд болсон онцлох үйл явдлууд:

1929 оны энэ өдөр Мал, тариалангийн яам байгуулагджээ.

Энэ өдөр дэлхий дахинд болсон онцлох үйл явдлууд:

1240 оны энэ өдөр Бат хаан, Сүбээдэйн цэргүүд Киевийг эзэлжээ /Зарим эх сурвалжаар арваннэгдүгээр сарын 19-нд/

1917 оны энэ өдөр Финландын парламент Оросын бүрэлдэхүүнээс гарах, тусгаар улсын статус авах шийдвэр гаргажээ.

1921 оны энэ өдөр Англи-Ирландын хэлэлцээр байгуулагдав. Хэлэлцээрээр яг жилийн дараа Ирланд тусгаар улс болжээ.

1991 оны энэ өдөр Бүгд Найрамдах Болгар улсын шинэ Үндсэн хууль батлагджээ.

2000 онд Менделеевийн үелэх системийн 116 дахь элемент ливеморийг нээсэн байна.

2017 оны энэ өдөр Доналд Трампын засаг захиргаа Иерусалимыг Израилын нийслэлээр хүлээн зөвшөөрөв.

Билгийн тооллын 5. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой.

Өнөөдөр үс засуулбал эд, мал арвижна.

Өнөөдрийн ажилд тань амжилт хүсье!