ӨГЛӨӨНИЙ МЭНД!
Өнөөдөр 2024.12.19. Энэ оны 354 дахь өдөр бөгөөд он дуусахад 12 хоног үлдэж байна. Монгол эх оронд маань нар 08 цаг 38 минутад мандаж, 17 цаг 01 минутад жаргана.
Улаанбаатарт хур тундастай. Өдөртөө 14 хэм, шөнөдөө 23 хэм хүйтэн байна. Та хувцсаа тохируулж өмсөөд гараарай.
Өнөөдөр Олон улсын ядууст туслах өдөр тохиож байгаа бол АНУ-д Эмо өдөр, Украинд Өмгөөлөгчдийн баяр, Энэтхэгт Гоаг чөлөөлсөн өдрийг тэмдэглэж байна.
Энэ өдөр дэлхий дахинд болсон онцлох үйл явдлууд:
1944 оны энэ өдөр Бастон арлын төлөөх тулалдаан эхэлжээ.
1946 оны энэ өдөр Энэтхэг-Хятад дахь Францын дайн эхэлжээ.
1965 оны энэ өдөр Шарль де Голль Францын Ерөнхийлөгчөөр дахин сонгогдов.
1972 оны энэ өдөр “Аполлон-17” хөлөг эх дэлхийдээ эргэн ирж, сансрын хөтөлбөр хаагджээ.
1997 оны энэ өдөр Жеймс Кэмероны “Титаник” кино нээлтээ хийв.
2007 оны энэ өдөр уугуул иргэдийн эрх ашгийн төлөөх идэвхтнүүд Бүгд найрамдах Лакота улсыг зарлажээ.
2016 оны энэ өдөр Туркт Оросын Элчин сайд Андрей Карловыг буудан хөнөөсөн хэрэг гарсан юм.
Билгийн тооллын 19. Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, газрын ам нээх, сэтгэлд сэвтэй газар очих, байшингийн суурь тавихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой.
Өнөөдөр үс засуулбал сайн нөхөртэй нөхөрлөнө.
Өнөөдрийн ажилд тань амжилт хүсье!
Холбоотой мэдээ
Сэтгэгдэл ( 0 )