Улсын хэмжээнд ажилгүй 79.3 мянган иргэн байна

Улсын хэмжээнд эхний долоон сарын байдлаар 79.3 мянган иргэн ажилгүй байгаа тухай Үндэсний статистикийн хорооны мэдээлэлд дурджээ. Үүнээс 32.9% нь ажил хайгаад олдохгүй байгаа, 12.2% нь суралцдаг, 9.9% нь улирлаас хамаарч ажлын байр олддог, 7.7% нь мэргэжил дадлага, туршлагагүй, 6.1% нь жирэмсэн эсвэл хүүхэд асарсан гэх шалтгаанаар хөдөлмөр эрхлээгүй гэсэн дүн гарсан байна.

Сүүлийн үед төгрөгийн бодит худалдан авах чадвар буурч, инфляц нэмэгдэж, сарын дундаж орлого буурч байгаа гэх шалтгаанаар ажилгүйдэл нэмэгдэх гол шалтгаан болжээ. Олон улсын хөдөлмөрийн байгууллагын судалгаагаар дэлхий даяар 185 сая орчим иргэн ажилгүй байна. Ялангуяа чанартай ажлын байрны хомстол, салбар хоорондын зөрүү, шинэ технологийн дэвшил зэрэг нь хөдөлмөр эрхлэлтэд нөлөөлж буй гол хүчин зүйл гэж дурджээ.