О.Магнайг алахаар заналхийлсэн Х.Ариунболд 17 тонн өттэй загасаар монголчуудыг хооллох байж

 Миний Дэлгүүрийн үйлчилгээ иргэдээ доромжилж улаан цагаандаа гарчээ. Өмнө хямдралын нэрийн дор хугацаан нь дууссан бүтээгдэхүүн шахаж байгаа талаар тус дэлгүүртэй холбоотой олон шуугиан дэгдсэн ч удирдлагууд нь “Биднийг гүтгэж байна” хэмээн гүрийсээр өдий хүрсэн байдаг. Дэлгүүрийн үнэн төрхийг бичсэн мэдээллийн хэрэгслийг  шүүхэд дуудаж хүссэн мөнгөө нэхэмжилдэг Миний дэлгүүрийн үнэн төрх илчлэгдсээр байна.

Нийслэлийн Мэргэжлийн хяналтын газарт гаргасан иргэний гомдлын дагуу тус газраас Баянзүрх дүүргийн 4 дүгээр хороонд үйл ажиллагаа явуулж байгаа Сонгинохангай ХХК-ийн “Миний дэлгүүр” 102 худалдааны төвд худалдаалж байсан  байсан ОХУ-д үйлдвэрлэсэн загасны консерв /Сайра/ нэрийн 4680009030015, 14.12.13, цувралын дугаар болон хүчинтэй хугацаатай бүтээгдэхүүнд лабораторийн шинжилгээ хийжээ. МХЕГ-ын Хүнсний аюулгүй байдлын үндэсний лавлагаа лабораторид тус бүтээгдэхрүүний дээжийг шинжлүүлэхэд 2013 оны 12 дугаар сарын 14 үйлдвэрлэсэн Сайра консервны дээжинд Acanthocephala-eoacanthocepala /скребни/ буюу шимэгч хорхой үхсэн хэлбэрээр илэрсэн байна. Иймээс “Сайра” нэрийн 4680009030015 кодтой бүтээгдэхүүн нь чанарын шаардлага хангахгүй байгаа тул тухайн бүтээгдэхүүнийг худалдан авахгүй байхыг та бүхэнд сэрэмжлүүлэн анхааруулж байгаа.

Уг асуудал анхынх нь биш бөгөөд өмнө нь мэргэжлийн хяналт, шудрага өрсөлдөөн хэрэглэгчийн төлөө газраас энэ дэлгүүрт шалгалт хийж байсан. Өмнө нь муудсан бараа бүтээгдэхүүнийх зургийг авч олон нийтийн сүлжээгээр тарааж байсан. Одоогийн байдлаар энэ дэлгүүрийн гурван салбар нь хаагдаад байгаа.  Гэтэл хорио цээрийн бичиг дээр 2013 оны дөрөвдүгээр сарын 30-нд 17 тонн засаг оруулж ирсэн гэсэн байгаа гэнэ. Тиймээс энэ мэтийн үйлдвэрлэлийн алдаа гарсан 17 тонн лаазласан загас байгаа гэсэн үг юм. 

Ийнхүү өттэй загасыг тонн, тонноор нь оруулж ирж монголчуудын эрүүл мэндээр хайр найргүй наадахаар завдаж байсан Миний дэлгүүрийн өмнө нь гаргаж байсан зөрчлүүдийг хүргэж байна.

Үйлчлүүлэгдийнхээ итгэлийг алдаж, үймээн самуун олныг тарьсан мөртлөө урагшилдаггүй ч ухардаггүй,  Монхангай группын “Миний сүлжээ” дэлгүүрийн мэддэг нь мэддэг, мэддэггүй нь мэддэггүй “Мэдүүштэй” 30 коммент.

1.  Далай ээж дахь салбартаа хугацаа дууссан бүтээгдэхүүн зарж байгаад ШӨХТГ-д баригдсан.  “Хуурамч” Миний дэлгүүр.

2.  Сонгинохайрхан дүүрэгт байрлах салбараас нь  арчидасын шинжилгээ авахад 70 хувийн нянгийн бохирдолтой гарсан.  “Заваан” Миний дэлгүүр.

3.  Баянгол дүүрэгт байрлах салбартаа  шинжилгээний дүгнэлт баталгаажилтгүй 20 нэр төрлийн бүтээгдэхүүн зарж байсан. “Баталгаагүй” Миний дэлгүүр.

4.   Дамбадаржаад байрлах салбарт худалдаалж байсан “Сайра” нэрийн лаазалсан, загаснаас өт гарсан. “Өттэй” Миний дэлгүүр.

5.  MNS5021:2007 стандартыг зөрчөөд гурван салбараа хаалгаж байсан. “Зөрчилтэй” Миний дэлгүүр.

6.   Хөгцтэй компот зардаг “Хөгийн” Миний дэлгүүр.

7.   Ялзарсан жимс, хөгцөрсөн хиамны үүр болсон “Ядуу” Миний дэлгүүр.

8.  Хугацаа дуусч, өт хорхойнд  баригдсан цагаан будаагаа хураалгаж, устгуулсан “Өөдгүй” Миний дэлгүүр.

9.  Асуудалтай бараагаа ажилчиддаа шахаж, цалингаас нь  суутгадаг “Арчаагүй” Миний дэлгүүр.

10.  Саппорогийн салбарын хүнсний бүтээгдэхүүн нь жиндээ хүрдэггүй. Телевизээр гарч байсан “Од” миний дэлгүүр.

11.  Бүтээгдэхүүн болгондоо 20-30 хувийг нэмж зардаг “Шуналтай” Миний дэлгүүр.

12.  О.Магнайг ална гэж дарамталдаг ууртай захиралтай “Аюултай” Миний дэлгүүр

13.  Дэлхийн чихийг дэлдийлгэсэн миламин гэх хугацаа уртасгадаг бүтээгдэхүүнтэй, сүү худалдаалж байсан. “Зоригтой” Миний дэлгүүр

14.  Хамгийн өргөн хүнсний сүлжээтэй “Том” Миний дэлгүүр.

15.  Хуучин үнээ нэмчихээд байсан үнээр нь зарж байгаагаа хямдрал гэж зарладаг “Хулхи” Миний дэлгүүр.

16.  Бутархай мөнгөний хариулт өгдөггүй  “Харамч” Миний дэлгүүр.

17.  “Номин” сүлжээтэй ширүүн өрсөлддөг. “Өрсөлдөгч” Миний дэлгүүр.

18.  Иргэдийн гомдол тасархаа больсон  “Ирээдүйгүй” Миний дэлгүүр.

19.  Хугацаа нь дуусах гэж буй бараагаа хамгийн наад талд нь өрдөг “Сэргэлэн” Миний дэлгүүр.

20.  Хямд үнэ, чанартай сонголт гэж хошгоруулдаг “Худалч” Миний дэлгүүр.

21.  Кассанд уншуулсан бараа нь бичигдсэн үнэнээсээ хоёр дахин их үнэтэй байдаг. Учрыг асуухаар  барааныхаа үнийг сольж амжаагүй  гээд “Барайтал” хэлдэг “Хэнэггүй” Миний дэлгүүр.

22.  Тооцооны касс нь толгой түрүүгүй хүн загнадаг “Бүдүүлэг” Миний дэлгүүр.

23.  Алдаагаа засдаггүй “Амар” Миний дэлгүүр.

24.  Олон янзын аргаараа, олон түмэнд “Мэхний их дэлгүүр” гэж алдаршсан, “Мэх сайтай” Миний дэлгүүр.

25.  Гомдсон үйлчлүүлэгч нь Мэргэжлийн хяналт дуудна гэж хэлэхээр камерт хорьчихдог, “Шоронжсон” Миний дэлгүүр

26.  Хуураад байгааг нь мэдсээр байж, очиж үйлчлүүлдэг олон иргэнтэй, “Ховсчин” Миний дэлгүүр.

27.  Хууль хяналтынханд мэдэгдсэн баригдсан ч хариуцлага хүлээдэггүй “Хуульгүй” Миний дэлгүүр.

28.  Илжирсэн, ялзарсан хүнсийг эгнээ эгнээгээр нь өрдөг “Эрүүл бус” миний дэлгүүр.

29.  96 оноос өнөөдрийг хүртэл монопол болж чадсан “Ирээдүйтэй” Миний  дэлгүүр.

30.  Иргэдийнхээ итгэлийг алдаад, “Урагшлах уу, Ухрах уу” гэдэг дээрээ яваа “Дээсэн дөрөөтэй” Миний дэлгүүр.