Дуучин Т.Ариунаагийн хагалгаа амжилттай болжээ

МУГЖ Т.Ариунаа хэд хоногийн өмнө хөлдөө бэртэл авсны улмаас ГССҮТ-д хэвтэн эмчлүүлж байгаа билээ. Түүний хувьд энэ жил урлагт зүтгэсэн 30 жилийнхээ тайланг үзэгчдэдээ хүргэхээр бэлтгэлдээ ороод байсан ч ийнхүү харамсалтай явдал болсон юм. Энэ тухайгаа тэрбээр “Уг нь энэ жил 30 жилийн тайлангаа тавья гэж бодож байсан чинь ийм зүйл болчихлоо. Хагалгаа хийлгэх шаардлагатай гэсэн. Тэгэхээр төлөвлөсөн ажлууд 2-3 сараар хойшлох нь” хэмээн ярьсан. Тэгвэл дуучин бүсгүй өнөөдөр хагалгаанд орсон бөгөөд хагалгаа амжилттай болсон байна. Ингээд авьяаслаг уран бүтээлчдээ хурдан эдгэрч, үзэгчдидтэйгээ уулзахыг хүсье.