69.2 тэрбум төгрөгийг улсын төсөвт оруулжээ

Уул уурхайн сайдын багцын өнгөрсөн сарын байдлаарх орлогын гүйцэтгэлийг албаныхан танилцууллаа. Сайдын багц орлогыг хоёр үндсэн агентлаг  бүрдүүлдэг бөгөөд Ашигт малтмалын газар нийт 12.8 тэрбум төгрөгийг улсын төсөвт төвлөрүүлсэн байна. Үүнээс ашигт малтмалын хайгуулын болон ашиглалтын тусгай зөвшөөрлийн төлбөр 11.6 тэрбум төгрөг, улсын төсвийн хөрөнгөөр хайгуул хийсэн ордын нөхөн төлбөр 577.3 сая төгрөг, бусад орлого 660.7 сая төгрөг байгаа ажээ. Газрын тосны газрын хувьд нийт 69.2 тэрбум төгрөг улсын төсөвт төвлөрүүлсэн байна. Үүнээс газрын тосны орлого 68.7 тэрбум төгрөг, бусад орлого 549.3 сая төгрөг байгаа талаар Уул уурхайн яамнаас мэдээллээ.