Хязаалан насны морьд гарааны зурхай руу хөдөллөө

Тулгар төрийн 2223, Их монгол улсын 808, ардын хувьсгалын 93 жилийн ой, үндэсний их баяр наадмын хурдан морьдын уралдааны салхийг хагалж, Хүй долоон худагт уламжлал ёсоор хязаалан насны морьд гарааны зурхай руу хөдөллөө.

Энэ жил нутаг нутгийн 318 үрээ шандсаа сорих юм. Харин ихэнх нутгаар хур бороо элбэг сайн байгаа тул морьдын чадал сайн байна гэж уяачид хэлж байна. Мөн өмнөх жилүүдэд сайн уралдаж байсан алдартай хурдан буянууд энэ уралдаанд оролцоно.

Хэний хурдан хүлгийн уяа сойлго таарч, уясан эзэн, унасан хүүхэд, хурсан олныг баярлуулахыг хамтдаа хүлээе.