Мисс Гантогоогийн 10 жилийн хөдөлмөрийг нь үнэлж төрийн дээд одонгоор шагналаа

“Miss Mognolia-2005” тэмцээний тэргүүн байрын шагналт мисс Б.Гантогоо олон улсад нэр хүндтэй томоохон тэмцээнүүдэд амжилт гаргаж явсан бүсгүй. Дэлхийн мисст өрсөлдсөн сайхан бүсгүйчүүдийг эх орондоо урьж, хүмүүнлэгийн үйлст уриалсан тэрбээр Мисс, аялал жуулчлалын холбоо байгуулж байлаа.  Мисс Бүсгүй маань олон сайхан охид бүсгүйчүүдээ олон улсын тэмцээнд оролцоход нь тусалж дэмждэг. Загвартай амьдарлаа холбосон түүний 10 жилийы хөдөлмөрийг төр засгаас үнэлж Алтан гадас одонгоор шагнажээ. Тэрбээр Монгол үндэснийхээ хувцасыг дэлхийн тавцанд гурван удаа шилдгээр шалгаруулж байсан юм. Мөн нэрт загвар зохион бүтээгч Соёлмаагийн болоод "Монгол Костюмс" зэрэг улсдаа шилдэгт тооцогдох газруудын хатны хувцасыг  өмсөж амьлуулснаар Монгол үндэсний дээлийг дэлхийн шилдэг үндэсний хувцас болгож байжээ. Түүнийг ийнхүү өндөр дээд одонгоор шагнасан явдал нь Монгол үндэсний хувцасаараа бахархдаг олон уран гарт хүмүүсийн хичээл зүтгэлийг үнэлсэн хэрэг боллоо.