“Америкийн аймшгийн түүхүүд” цувралын наймдугаар улирал удахгүй нээлтээ хийнэ

  Риан Мурфи, Брэд Фалчук нарын найруулагчаар нь ажилладаг энэхүү цуврал нь 2011 оноос хойш тасралтгүй долоон улирал гарсан билээ. Дэлхийн хэмжээнд гуравт бичигддэг томоохон цуврал нь шинэ залуу алдартнуудын өнөөгийн өндөрлөгт хүрэх гүүр болж өгсөн гэхэд болно. Энэхүү цувралын наймдугаар улирал “Ертөнцийн төгсгөл” нэртэйгээр ирэх сарын 12-ноос гарч эхлэх талаар Риан Мурфи жиргэжээ.

Энэ улирлын зураг авалт өнгөрсөн зургадугаар сараас эхэлж, киноны нэг болон гуравдугаар улиралд тоглосон жүжигчид эргэн ирснээр үйл явдал тухайн цувралуудтай холбогдох ажээ.

Энэхүү цувралын гол од болох Жессика Лэнж энэ улиралд эргэн ирж дүрээ мөнхлөх аж. Түүний фэнүүд энэ шийдвэрт нь ихэд баяртай байгаа юм.

Н.Амгаланболд

WWW.ZINDAA.MN