Зеленський: Украинчууд энэ дайныг сонгоогүй

НҮБ-ын Ерөнхий ассамблейн 81 дүгээр чуулганд Украины Ерөнхийлөгч Володимир Зеленський хэлсэн үгэндээ “Украин улс, Украины ард түмэн энэ дайныг сонгоогүй” гэж мэдэгдлээ. Тэрбээр хэлсэн үгэндээ “Бид зэвсэглэлийн тухай, батлан хамгаалах тухай, түрэмгийлэгчдийн эсрэг хориг арга хэмжээ авах талаар л яриад байдаг. Үүнээс Украин л зөвхөн дайнд анхаарлаа хандуулаад байгаа юм шиг санагдаж магадгүй. Гэхдээ украинчууд энэ дайныг сонгоогүй юм. Бид эх орон, гэр бүлээ алдахгүй байхын төлөө, тусгаар тогтнол, эрх чөлөөгөө алдахгүй байхын төлөө, амьд үлдэхийн төлөө тэмцэж байна” гэжээ.

Мөн тэрээр Оросын эсрэг тэмцлээсээ хэзээ ч ухарч, няцахгүй бөгөөд дэлхий дахиынг Украниыг дэмжиж, энхийн хэлэлцээг үр дүнд хүргэхийн төлөө эв санаа нэгтэй байхыг уриалсан байна.

Украины засаг захиргаа ОХУ-ын төсвийн алдагдал дайнаас шалтгаалан нэмэгдэж, ихэнх бүс нутаг нь дампуурлын ирмэг дээр байгаа гэж үзэж байгаа юм. Хамгийн сүүлийн мэдээллээр ОХУ-ын баллистик пуужин Киевт тусаж, хоёр хүн амиа алдан, зургаан хүн шархдаад байна. ОХУ-ын Ерөнхийлөгч өчигдрийн мэдэгдэлдээ саяхан болж өнгөрсөн Думын сонгууль нь Оросын ард түмнийг өргөн хүрээний цэргийн ажиллагааг дэмжиж байгааг харуулсан гэдгийг тодотгосон юм.