Энэ сарын 25, 26-нд улсын дугаарын тэгш, сондгойгоор хязгаарлаж хөдөлгөөнд оролцуулна
Нийслэлийн Засаг даргын зөвлөлийн ээлжит хуралдаан өнөөдөр болов. Өнөөдрийн хуралдаанаар хичээлийн шинэ жил эхлэхтэй холбогдуулан замын хөдөлгөөний хэт ачааллыг бууруулах үүднээс дугаарын хязгаарлалтад түр өөрчлөлт орууллаа.
Энэ талаар нийслэлийн Замын цагдаагийн газрын дарга, хурандаа Д.Дашдорж танилцуулга хийв. “Хичээлийн шинэ жил эхлэхтэй холбогдуулан замын хөдөлгөөний ачаалал ихэсдэг. Замын цагдаагийн газраас ачааллыг бууруулахаар зарим уулзвар дээр гэрлэн дохиог өөрчлөх, ачааны машинуудын хөдөлгөөнийг зарим газарт хязгаарлах, Нарантуул, Хархорин зэрэг том худалдааны төвүүдийн орчмын замын хөдөлгөөнийг багасгах зорилгоор зарим ажлуудыг хийж байна. Том оврын автомашинуудыг өдрийн цагаар зорчих хөдөлгөөнийг хязгаарласан байгаа” хэмээв.
Мөн Замын цагдаагийн газраас энэ сарын 25, 26-ны бямба гарагт авто машины улсын дугаарыг тэгш, сондгойгоор хязгаарлан хөдөлгөөнд оруулахаар төлөвлөсөн байна. Харин 18-ны бямба, 19-ний ням гарагууд болон есдүгээр сарын 1-нд дугаарын хязгаарлалт хийхгүйгээр зохицуулахаар болжээ.
Эх сурвалж: www.ZINDAA.mn
Холбоотой мэдээ
Сэтгэгдэл ( 2 )
Тэгш, сондгойгоор хэдэн ч жил явав, энэ хооронд хотын авто зам дэд, бутцийн тал дээр юу ч хийсэнгуй дээ, хэзээ дуусах тэгш, сондгой юм бол доо, лав энэ малын эмчийн уед л угуй бололтой
Ямар ч үр ашиггүй ийм балай үйлдлээ болимоор юмаа. Хичээлийн шинэ жилд зориулж бараа үйлчилгээний хүртээмжийг нэмэгдүүлж, өргөтгөсөн худалдааг нэмэгдүүлэх хэрэгтэй шүү дээ. Түгжрэлийг арилгаж чадахгүй байгаа үйлдлээ хүлээн зөвшөөрч ажлаа өгөх хэрэгтэй муу мал хөдөөний Батболдоо.