ДЭЛХИЙН ТОЙМ: АНУ яагаад Украин, Гүржийг НАТО-д элсэхийг дэмжив?

Автор | Zindaa.mn
2020 оны 04 сарын 03

-  ОХУ-д дайсагнасан алхам болно гэв  -

АНУ-ын НАТО дахь байнгын төлөөлөгч Кей Хатчисон тус эвслийн гишүүд Украин болон Гүрж улсыг холбоонд элсэхэд дэмжлэг үзүүлэх хүчин чармайлтаа зогсоох бодолгүй байна гэжээ. Хатчисон НАТО нээлттэй хаалганы бодлого баримталж байгааг дурдаад Хойд Македон саяхан элссэнийг жишээ болгон дурдсан байна. Гэсэн хэдий ч шинжээчид Киев, Тбилисийг НАТО-д хүлээн зөвшөөрөхөд бэлэн байгаа гэсэн олон жилийн баталгаатай ч үнэн хэрэгтээ ийм тогтворгүй улсуудыг эгнээндээ нэгтгэхийг эвсэл зөвшөөрөхгүй гэж үзэж байна.

АНУ-ын НАТО дахь байнгын төлөөлөгч Кэй Бэйли Хатчисон хэлэхдээ эвслийн гишүүд Украин, Гүрж улсуудыг холбоондоо оруулах хүчин чармайлтаа үргэлжлүүлсээр байх болно гэв. Тэрбээр энэ тухай өчигдөр болсон НАТО-гийн орнуудын Гадаад хэргийн сайд нарын уулзалтын үеэр хэллээ. Саяхан Хойд Македон НАТО-д элссэн тухай сэтгүүлчдийн асуултад хариулахдаа Кей Бэйли Хатчисон “НАТО нээлттэй хаалганы бодлого баримталж байгаа нь Украин, Гүрж, түүнчлэн Босни Герцеговиныг тус эвсэлд ороход хүргэнэ” гэж тэмдэглэжээ. “Эдгээр улс орон ирээдүйд НАТО-гийн гишүүн болоосой гэж бид хүсэж байна. Бид Гүрж, Украинд хоёуланд нь байсан” гэж Америкийн дипломатч хэлсэн байна.

Үүний зэрэгцээ, НАТО-д суугаа АНУ-ын байнгын төлөөлөгч “Орос улс эдгээр оронд тусгаар тогтносон засаглалыг хэрэгжүүлэх, өөрсдийн тусгаар тогтносон нутаг дэвсгэр, хил хязгаартай байх боломжийг олгох ёстой. Гэхдээ бид эдгээр улсын зарим хэсгийг бут ниргэсэн Оросын түрэмгийллийг эсэргүүцэхэд Гүрж, Украинд туслахаар шийдсэн. Эдгээр хүчин чармайлтыг бид сулруулахгүй” гэжээ.

Судлаачдын дүгнэж байгаагаар Америкийн дипломатчийн хэлсэн эдгээр үгс нь хоосон ярианаас өөр зүйл биш аж. “Энэ бол өдөөн хатгасан мэдэгдэл. Учир нь эдгээр улсад шийдэгдээгүй газар нутгийн маргаан байгаа нь тэд НАТО-гийн гишүүн болж чадахгүй гэсэн үг юм. Холбоонд элсэх дүрмүүд нь тийм юм. НАТО Киев, Тбилисийн хувьд хамаарах зүйл хийх магадлал багатай юм. Нэмж дурдахад, Украин болон Гүрж улсын энэхүү эрмэлзэл нь нутаг дэвсгэрийнхээ асуудлыг хүчирхийлсэн байдлаар шийдэх дохио гэж тайлбарлаж болно” гэж “RT” агентлагт бичжээ.

Украины хэтийн төлөв

НАТО дахь Америкийн байнгын төлөөлөгч өчигдөр эвслийн Гадаад хэргийн яамны тэргүүн нарын уулзалтын хүрээнд “Украин, Гүржийг дэмжих бидний туслалцаанд тулгуурлан үргэлжлүүлэн ажиллана” гэсэн журмыг батална гэдэгт итгэж байгаагаа илэрхийлэв. Гэхдээ тэрбээр тус холбоонд элсэх өргөдөл гаргагчийн хувьд эдгээр хоёр улсын статусын өөрчлөлтийн талаар дурдаагүй байна.

Сануулахад, 2019 оны аравдугаар сард Украины Европын болон Евро-Атлантын интеграцын асуудал эрхэлсэн дэд сайд Дмитрий Кулеба Киев НАТО-д гишүүнээр элсэх үйл ажиллагааны төлөвлөгөөний талаарх өргөдөл дахин гаргахгүй гэж мэдэгджээ. Тэрбээр энэ асуудлыг “улс төрийн бус техникийн” байх ёстой гэж тайлбарласан байна. Сануулахад, Киев 2008 онд ийм өргөдөл гаргасан. Энэ нь нэр дэвшигч улс нь холбоонд элсэхэд бэлэн байх ёстой хөтөлбөр юм. Тус улсын батлан ​​хамгаалах, нөөц, улс төр, эдийн засгийн үйл ажиллагаа жил бүр аажмаар НАТО-гийн стандартад нийцсэн байх ёстой. Хоёрдугаар сард Украины Батлан ​​хамгаалахын сайд Андрей Загороднюк хэлэхдээ, Украины тал НАТО-г “дэвшилтэт чадавхтай түнш” болно гэж найдаж байна, НАТО-гийн орнуудын зөвлөх, ажиглагчид Украины нутаг дэвсгэр дээр ажиллаж, тус улс дахь шинэчлэлийн явцын талаар тайлагнадаг гэжээ. “Тэд шинэчлэлийн явцад сэтгэл хангалуун байна. Энэ эрчээрээ явбал аравдугаар сард НАТО-д “өргөн боломжтой хамтрагч” болох статусаа нэмэгдүүлэх болно гэж бид найдаж байна” гэж Загороднюк хэлсэн байна. Гэхдээ гуравдугаар сард Загороднюкийн оронд Батлан ​​хамгаалах яамны тэргүүнээр томилогдсон Андрей Таран Украины арми ойрын ирээдүйд НАТО-гийн стандартад бүрэн шилжих боломжгүй гэж мэдэгджээ. “Ойрын ирээдүйд амбицтай, гэхдээ хүрэх боломжгүй зорилгын оронд Зэвсэгт хүчний НАТО-гийн хүчтэй харьцах чадварыг нэмэгдүүлэх нь хамгийн том зорилго байх ёстой” гэж Таран хэлсэн байна.

Оросын Цэргийн улс төр судлаачдын нийгэмлэгийн шинжээч Андрей Кошкин “RT” агентлагт өгсөн ярилцлагадаа НАТО-гийн орнуудын цэргийн мэргэжилтнүүд Украины Зэвсэгт хүчинд олон асуудал тулгарч байгааг удаа дараа онцолж байсныг хэлжээ. “Энэ нь боловсон хүчин, командлагчдын бэлтгэл болон арми дахь авлига, анги байгууллагуудын харилцан үйлчлэл зэргээс шалтгаалж байна. Тиймээс одоогоор шинэчлэлийн үр дүн сайн байхыг хүсэж байна” гэж Кошкин онцлон тэмдэглэжээ.

Амжилтгүй амбиц

Гүржийн Ерөнхий сайд Георгий Гахария өнгөрсөн хоёрдугаар сарын сүүлчээр “Вашингтон Таймс” сонинд нийтлэл бичиж, НАТО Гүржийн тус холбоонд элсэх хүсэлтэд хариу өгөх цаг болжээ гэдгийг дурдсан байв. Гүржийн Ерөнхий сайд Тбилиси нь”"трансатлантикийн холбоо” -нд асар их хувь нэмэр оруулж байгаа бөгөөд Хар тэнгисийн “геополитикийн аюулгүй байдлыг” хангахад чухал үүрэг гүйцэтгэж байгаа тул НАТО-д гишүүнчлэл өгөх шаардлагатай байгааг үндэс болгожээ. Тэрбээр мөн Хар тэнгис нь Европ, НАТО болон АНУ-ын амин чухал эрх ашгийг дайсагнагч гүрнүүдээс хамгаалахад тусалдаг бүс болдог гэв. Гол аюулаар тэр Оросыг нэрлэжээ. Гэсэн хэдий ч Гүрж 1990-ээд оноос хойш Хойд Атлантын цэргийн эвсэлтэй идэвхтэй хамтран ажиллаж байгаа боловч тус эвсэл Тбилисийг эгнээндээ оруулахыг яаравчлахгүй байгаа юм.

Ийнхүү НАТО-гийн Ерөнхий нарийн бичгийн дарга Йенс Столтенберг 2008 оноос хойш Тбилисийг “мэдэгдэхүйц ахиц дэвшил” гаргасан гэж мэдэгдэж байгаа ч тус улс эвсэлд элсэхээс өмнө хийх зүйл их байна. Түүгээр ч барахгүй Гүржийн НАТО-д элсэх хугацаа хараахан тогтоогдоогүй байгааг тэрбээр хэлэв.

Судлаачдын өгүүлснээр Вашингтон Тбилисийг “Орост улс төрийн болон цэргийн шахалт үзүүлэх” талбар болгон ашиглаж байна. Ялангуяа НАТО-гийн орнууд болон тэдгээрийн түншүүдийн оролцоотой Гүрж улсад болсон хамтарсан сургуулилт, тухайлбал “Agile Spirit 2019”-ийн талаар шинжээчид ярьжээ. Үүнээс гадна, Гүржийн арми Украиных шиг одоогоор НАТО-гийн стандартад нийцэхэд хол байгаа аж. Үүнд сургалт, дүрэмт хувцас, техник хэрэгслийн асуудал их байна. Авлигыг гүнзгийрүүлсэн. Энэ бүхнийг засахын тулд маш их цаг хугацаа шаардагдах бөгөөд хамгийн гол нь санхүүгийн том сэргээлт шаардагдана. Киев болон Тбилисид өнөөдөр ийм хөрөнгө байхгүй тул Барууны тусламж хангалттай биш байгаа нь илт. Дэлхийн эдийн засаг хүндэрч буй цаг үеийг харгалзан ойрын ирээдүйд байдал өөрчлөгдөх магадлал багатай гэж шинжээчид үзэж байна.

“Жижүүрийн хэллэг”

Нээлттэй хаалганы бодлогын талаар ярихдаа Хатчисон Хойд Македон саяхан НАТО-гийн гишүүн болсныг дурдсан. Гэсэн хэдий ч Энх тайвны санаачилга, зөрчил судлалын хүрээлэнгийн шинжээчдийн үзэж байгаагаар Хойд Македоныг холбоонд хүлээн зөвшөөрсөн нь Гүрж, Украин удахгүй бүрэн гишүүнчлэлтэй болно гэсэн үг биш аж. Киев болон Тбилисид ойрын ирээдүйд НАТО-д элсэхийг зөвшөөрөхгүй улс төр, эдийн засаг, нийгмийн хэд хэдэн асуудал тулгарч байгаа юм. Украин, Гүрж зэрэг тогтворгүй улстай нэгдэх нь Хойд Атлантын цэргийн эвслийн хувьд нэлээд үнэтэй байх болно гэж шинжээчид тэмдэглэв.

АНУ-ын НАТО дахь байнгын төлөөлөгчийн мэдэгдэлтэй ижил үг хэллэгүүд үргэлжлүүлэн сонсогдох болно гэж тэд үзэж байна. Оросын цэргийн стратегийн ашиг сонирхлын үүднээс үзвэл Украин болон Гүрж улсыг НАТО бүрэн эрхт гишүүнээр хүлээж авах нь тодорхой дайсагналтай алхам болно. Шаардлагатай бол Москва зохих хариу арга хэмжээ авахад бэлэн. НАТО үүнийг сайн мэдэж байгаа тул Украин, Гүрж зэрэг улсаас болж зөрчилдөөн гаргах гэж байгаа хүн байхгүй аж.

Сэтгэгдэл ( 6 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
unshigch(31.164.60.21) 2020 оны 04 сарын 05

orosiin esreg byh umiig sanhyyjyyleh tul ukrain gyrj metiin ulsiin tolgoid garsan huvalzuudad amerikees irsen mongiig huvidaa ideh saihan bolomj.\naluurchin elbegdorj orosiin kommunizm, hyatadiin kommunizm bidniig alj baina, ezleh geed baina gej ulin hutsaj 30 Jil amerik ba baruunaas irsen mongiig huvidaa idsen shig.\nukrainii eronhiilogch baisan porpshenko hulgaich amerikiin mongonoos Heden sayaiig husaj hulgailaad odoo shorond yhehgyin tuld ukrainaas zugtlaa

0  |  0
unshigch(31.164.60.21) 2020 оны 04 сарын 05

orosiin esreg byh umiig sanhyyjyyleh tul ukrain gyrj metiin ulsiin tolgoid garsan huvalzuudad amerikees irsen mongiig huvidaa ideh saihan bolomj.\naluurchin elbegdorj orosiin kommunizm, hyatadiin kommunizm bidniig alj baina, ezleh geed baina gej ulin hutsaj 30 Jil amerik ba baruunaas irsen mongiig huvidaa idsen shig.\nukrainii eronhiilogch baisan porpshenko hulgaich amerikiin mongonoos Heden sayaiig husaj hulgailaad odoo shorond yhehgyin tuld ukrainaas zugtlaa

0  |  0
ха ха(202.9.40.29) 2020 оны 04 сарын 04

хүн амьтан алж л байвал АНУд сайн хүүхэд хөгшдийг хамаагүй бөмбөгдчихдөг байж өөрсдийг нь бөмбөгдсөн хорогдох байранд уйлаад шаадаг цэргүүдтэй улс даа

0  |  0
aaasass(202.21.109.150) 2020 оны 04 сарын 05

oros buzar gahainuudaas bid buriad tuva halimag baigalaa abmaar bn ted zailasaa ustaasaa

0  |  1
aaaa(202.21.109.150) 2020 оны 04 сарын 04

orosuud buzar daa.dandaa hajuu ulsaa turemgiilj daisanaj baidag muuhai uls shuu

0  |  0
badarch taxar(64.119.26.67) 2020 оны 04 сарын 04

Oros ulsig natod elsvvlsen ni deer baih tenegvvdee

0  |  0
Top