Аж үйлдвэрийн салбарын үйлдвэрлэл 2.2 их наяд төгрөгөөр өсжээ

Аж үйлдвэрийн салбарын нийт үйлдвэрлэл 2021 оны аравдугаар  сарын  байдлаар урьдчилсан гүйцэтгэлээр 15.4 их наяд төгрөг болж, өмнөх оны мөн үеэс 2.2 (17.0%) их наяд төгрөгөөр өслөө.

Үүнд уул уурхай, олборлох аж үйлдвэрийн салбарын үйлдвэрлэл 1.4 (15.8%) их наяд төгрөгөөр, боловсруулах аж үйлдвэрийн салбарын үйлдвэрлэл 655.3 (22.1%) тэрбум төгрөгөөр өссөн нь голлон нөлөөлсөн байна.

 Мөн цахилгаан хий, уур, агааржуулалтын салбарын үйлдвэрлэл 118.1 (12.4%) тэрбум төгрөгөөр, ус хангамж, сувагжилтын систем, хог хаягдал, зайлуулах болон хүрээлэн буй орчныг дахин сэргээх үйл ажиллагааны салбарын үйлдвэрлэл 24.2 (21.8%) тэрбум төгрөгөөр өсжээ.