Эрчим хүч хэмнэх нь ямар ач холбогдолтой вэ?

Эрчим хүчээ хэмнэх нь дараах ач холбогдолтой. 

АЙЛ ӨРХҮҮДЭД

• Сар бүрийн цахилгаан, дулааны төлбөрөө бууруулж, мөнгөө хэмнэнэ.
• Эрчим хүчний чанар хүртээмж сайжирна. Хэмнэсэн зардлаа бусад зүйлдээ зарцуулах, эсвэл хуримтлал үүсгэх боломжтой болно.
• Эрчим хүч хэмнэснээр ирээдүй хойч үедээ үнэтэй хөрөнгө оруулалт хийнэ.
• Байгаль орчны бохирдлыг багасгахад хувь нэмрээ оруулж өөрийн болон үр хүүхдийнхээ эрүүл мэндийг хамгаална.

УЛСЫН ХЭМЖЭЭНД

• Эрчим хүчний импортыг бууруулж, энэ хэрээр гадагшаа урсах мөнгийг хэмнэнэ.
• Хэмнэсэн зардлыг бусад нийгмийн арга хэмжээнд ашиглах боломжтой болно.
• Хязгаарлагдмал нөөц болох нүүрсийг хэмнэнэ.
• Байгаль орчны бохирдолтыг бууруулж, агаарын чанарыг сайжруулна.

АЖ АХУЙН НЭГЖ, БАЙГУУЛЛАГУУДАД

• Эрчим хүчний зардал буурна.
• Ажлын бүтээмж дээшилж, өрсөлдөх чадвар сайжирна.
• Байгалийн хязгаарлагдмал нөөцийг хэмнэнэ.
• Хүлэмжийн хийг бууруулж, экологийн тэнцвэрт байдлыг хангана.

ДЭЛХИЙН ХЭМЖЭЭНД

• Нүүрсхүчлийн хийн ялгаралтыг бууруулна.
• Тогтвортой хүрээлэн буй орчныг хадгална.
• Дэлхийн дулаарал, озоны давхарга цоорох аюулаас сэргийлнэ.

ЭРЧИМ ХҮЧНИЙ ТӨЛБӨРӨӨ БАГАСГАХ ХАМГИЙН САЙН АРГУУД

• Хөргөгч, хөлдөөгчийн байршлыг өөрчлөх. Хөргөгчийг 30-50°С хэмийн бүгчим халуун өрөөнд байлгах нь энгийн үеэс хоёр дахин их эрчим хүч зарцуулдаг. Мөн плитка, ус буцалгагчийн ойр тавих нь илүү их эрчим хүч зарцуулагдахад хүргэдэг.
• Хоёр тарифт тоолууртай бол индүү, тоос сорогч, угаалгын машин зэргийг 21.00-06.00 цагийн хооронд ажиллуулах замаар өдрийн цагаар зарцуулдаг цахилгааны төлбөрөө 2 дахин багасгах боломжтой.
• Төвлөрсөн халаалтын системд холбогдсон орон сууцны айл өрхүүд эрчим хүч хэмнэхийн тулд тохируулгатай халаагуур /радиатор/-ыг сонгох.
• Төвлөрсөн халаалтын системд холбогдоогүй айл өрхүүд гэр, сууцныхаа хана, хаалга, цонх, дээвэр зэргийг дулаалах.
• Ашиглаагүй гэрэл, залгуурууд болон улаан гэрлийг тогтмол унтрааж хэвших.
• Ямар нэгэн зардал гаргахгүйгээр эрчим хүчний зардлаа бууруулах боломжоо бид өөрсдөө л бүрдүүлж чадна.
• Айл өрхийн гишүүн бүрт эрчим хүчийг хэрхэн зүй зохистой хэрэглэх талаар байнга сануулж хэвшүүлэх.
• Аж ахуйн нэгж байгууллага бүр ажилтнууддаа эрчим хүч хэмнэх дадал хэвшил суулгах.
• Ингэхийн тулд уриалга гаргах, сургалт явуулах.