Л.Гансүхийн өмгөөлөгч ХЭҮК-т хандлаа

“Нүүрс” хөтөлбөрийг хэрэгжүүлэх явцдаа мөнгө угаасан байж болзошгүй гэх үндэслэлээр АТГ-аас Ерөнхий сайдын ахлах зөвлөх Л.Гансүх болон түүний туслахаар өмнө нь ажиллаж байсан М.Тулга, Э.Төмөрбаатар, Г.Батхуяг нарыг баривчлан саатуулаад байгаа юм. Таслан сэргийлэх арга хэмжээ авхуулсан дээрх хүмүүсийг АТГ-аас өмгөөлөгчидтэй нь уулзахыг хориглосон хэвээр байгаа  аж. Л.Гансүхийн өмгөөлөгч Ц.Баасандорж Төв аймгийн цагдан хорих төв орж, үйчлүүлэгчтэйгээ уулзах гэсэн боловч АТГ-аас зөвшөөрөл өгөөгүй гэнэ. Тиймээс өмгөөлөгч Ц.Баасандорж  Нийслэлийн прокурорын газар болон  ШШБЕГ-ын дарга, хурандаа С.Баяндалай болон Хүний эрхийн комисст хандан гомдол гаргасан байна.