Баасан гаригт аавуудын өдөр болно

Жил бүрийн наймдугаар сарын наймныг манай улс "Аав нарын өдөр" болгон тэмдэглэсээр хэдэн жил  боллоо. 

Монгол улс энэ өдрийг 11 дэх жилдээ тэмдэглэх гэж байгаа бөгөөд энэ хүрээнд Нийслэлийн Хүүхэд Залуучуудын Хөгжлийн газар, Монголын Эрэгтэйчүүдийн Холбоо, "Сайхан аав" ТББ хамтран "Миний аав - Миний бахархал" аавдаа илгээх захидлын уралдаан, аав нарын эрүүл мэндийн өдөрлөг, "Аавын бахархал" хэлэлцүүлэг зэрэг олон арга хэмжээг зохион байгуулахаар төлөвлөжээ.  Монгол Улсын хүн амын 1,3 сая буюу 48,6 хувь нь эрэгтэйчүүд байдаг, эрэгтэйчүүдийн нас баралт сүүлийн гурван жил эрс өсч, тэдний насжилт 64,6 буюу эмэгтэйчүүдээс есөн насаар богино наслаж байгаа гэсэн албан судалгаа бий.