Ял эдэлж байгаа хүмүүжигчид мэргэжилтэй болжээ

Шүүхийн шийдвэр гүйцэтгэх ерөнхий газрын харьяа Хархорин сум  дахь Шүүхийн шийдвэр гүйцэтгэх алба “Бакет” мэргэжлийн сургалтын төвтэй хамтран хүмүүжигчдэд зориулсан сургалтыг зохион байгуулжээ. Өнгөрсөн сарын 21-ний өдрөөс эхлэн энэ сарын 3-ны өдрийг хүртэлх хугацаанд үргэжилсэн сургалтыг хүнд машин механизмын чиглэлээр явуулсан аж. Сургалтад 49 хүмүүжигч хамрагдаж, 66 цагийн онол, 18 цагийн дадлагын хичээлээр экскаватор , дугуйт ачигч, бульдозер, хүнд даацын авто машины операторын мэргэжил эзэмшжээ. Сургалтад хамрагдсан хүмүүжигчдэд мэргэжлийн үнэмлэх олгосон байна.