“Ээж” киноны төгсгөлийн ангиуд ХЭРХЭН ӨРНӨХ ВЭ?

 Үзэгчдийг зурагтын өмнө уях болсон Туркийн “Ээж” олон ангит киног чадварлаг оддыг нэг дор цуглуулсан бүтээл гэж кино шүүмжлэгчид дүгнэдэг. Киноны гол дүрийг Туркийн алдартай жүжигчин Вахиде Перчин, модель, жүжигчин Жансу Дере, өхөөрдөм бяцхан жүжигчин Берен Гёкилдыз нар бүтээсэн билээ. “Ээж” киноны ер бусын үйл явдал, өрнөл үзэгчдийн сонирхлыг өөрийн эрхгүй татдаг. Берфу Эргенекон зохиолыг нь бичсэн энэхүү киног үзэгчид эхлээд хүнд төрлийн гэж дүгнэх ч сүүлдээ улам татагдахаар уйтгартай бус үйл явдалтай. 

“Ээж” кино хэрхэн төгсөх талаар таны сонирхлыг татаж болох багахан мэдээлэл хүргэе. Үүний өмнө киноны гол дүрийн гурван жүжигчний намтарт анхаарлаа хандуулаарай.

- ЖАНСУ ДЕРЕ -

• Нэр: Жансу Дере
• Төрсөн он: 1980
• Орд: Жинлүүр
• Нас: 37
• Төрсөн газар: Туркийн нийслэл Анкара хот
• Биеийн өндөр: 180 см
• Гэр бүлийн байдал: Ганц бие
  

Жансу Дере жүжигчин, модель төдийгүй археологийн мэргэжилтэй. Жансу Турктээ бие даасан чөлөөт эмэгтэйн үлгэр жишээ болдог. Хамгийн загварлаг жүжигчин гэгддэг энэ бүсгүй оюутан байхдаа “Туркийн мисс” тэмцээнд гуравдугаар байр эзэлж байсан. Түүний гоо үзэсгэлэнг загварын акулууд ажиглаж таньснаар Жансу “L’Oreal Paris”-ын нүүр царай болсон анхны турк эмэгтэй болжээ. Гэхдээ жүжигчин бүсгүй Грек гаралтай. Жансу "Ээж" киноны өмнө "Кёсем"-д оролцон тоглож түүхэн бүтээл рүү орсондоо их баяртай байдаг аж.

- ВАХИДЕ ПЕРЧИН -

• Нэр: Вахиде Гердюм (Вахиде Перчин)
• Төрсөн он: 1965
• Орд: Ихэр
• Нас: 53
• Төрсөн газар: Туркийн Измир
  
• Өндөр: 178 см
• Гэр бүлийн байдал: Салсан

Вахиде Перчин “Ээж” киноны өмнө үзэгчдийг дэлгэцийн өмнө уясан “Кёсем” сериалд Султаны эхнэрийг дүр бүтээсэн билээ. “Ээж” кинонд ч тэрбээр эгэл бус хувь тавилантай хүчирхэг эмэгтэйн дүрийг үзэгчдийн сэтгэлд хүртэл амилуулж чадсан. Кино урлагийн шилдэг шагналуудыг түүдэг Вахиде Перчан мөн грек гаралтай.

- БЕРЕН ГЁКИЛДЫЗ -

Туркийн кино урлагийн хамгийн залуу жүжигчин бол Берен Гёкилдыз. Түүнд ахмад жүжигчид ч атаархахаар олон шагналтай. Найруулагчдын өөрийнх нь араас эхэл хайгуул хийхэд хүргэдэг, есхөн настай Берен аль хэдийнэ дэлгэцийн од болсонтой хэн ч маргахгүй. Тэр 2009 онд Истанбулд төржээ. 

КИНОНЫ ТӨГСГӨЛИЙН АНГИУДАД ЮУ ГАРАХ ВЭ?

Яг одоо кинонд гарч байгаачлан Мелекийн хойд аавын Зейнепээс мөнгө нэхэх, дарамтлах, түүнийг аргандаа оруулах гэсэн шунал улам гүнзгийрнэ. Мелек удахгүй дүүтэй болдог. Хүү бас л эгч шигээ их зовлон, бэрхшээл амсдаг. Тэр битгий хэл түүнийг Женгиз худалдах гэж оролдоно. Хүү асрамжийн газарт ч очино. Бяцхан Мелек дүүгээ хамгаалахын тулд юу эсийг туулна. Бяцхан охин мөнгө олохын тулд ажил хүртэл хийдэг.

“Ээж” киноны төгсгөлийн ангиудад Жахиде /Зейнепийг өсгөсөн ээж/ өөрөө Шуле дээр очдог. Тэр Шулег нөхрөө бууж өгөхийг ятгана гэж итгэдэг. Гэвч Женгиз харгис зандаа улам хөтлөгдөн, өөрийгөө болон Синан /Цагдаагийн комиссар/, Зейнеп хоёрыг хөнөөхөөс ч буцахгүй авир гаргана.  Мэдээж түүний харгис хэрцгий зан цагдаагийн анхаарлаас хол байхгүй. Женгизийн харгис зан, үйлдлийг мөрдлөгийн явцад улам сайн мэдэх болсон цагдаагийн комиссар Синан Шуле болон түүний хүү Хасан нарыг аврах гэж яваад амиа алдана. Шуле охиных нь хойд аав Женгизийг шоронд суулгахгүйн тулд Мелекийг Зейнептэй үлдээхэд бэлэн байв. Үүний тулд Зейнеп цагдаагийн газраас өргөдлөө авч, өсгөсөн ээжээсээ шүүхэд нөлөөлөхийг гуйх хэрэгтэй болно. Шуле, Женгиз нар шинэ байртай болж, дутах зүйлгүй амьдрах боломжтой болсон ч тэд үүнийг хийж чадахгүй. Шуле олон жилийн турш тэвчсэн гашуун амьдралдаа цэг тавихыг хүснэ. Үүний тулд аймшигтай шийдвэр гаргана. Гэхдээ тэр нь охиныхоо төлөө, Мелекийн төлөө тэр бүхнийг хийнэ. Энэ бүхний эцэст Зейнеп түүний итгэл найдвар байх болно....

"Боловсрол суваг" телевиз албан ёсны эрхтэйгээр хүргэж буй "Ээж" киноны төгсгөлийн хэсгийн агуулга товчхондоо ийм. Харин та киногоо үргэлжлүүлэн анхааралтай үзээрэй. Амьдралын олон өнгө, олон дүрийг чадварлаг харуулсан киноны талаарх сэтгэгдлээ энд мөн хуваалцаж болох юм.