“Аж үйлдвэрийн IV хувьсгал" сэдэвт олон улсын хурал болно

“Аж үйлдвэрийн  IV хувьсгал: Хөгжиж буй орнуудад тулгарч буй сорилтууд” сэдэвт  олон улсын эрдэм шинжилгээний хурал болно.

МУИС Бизнесийн сургуулийн Менежментийн тэнхим үүсэн байгуулагдсаны 60 жилийн ойн арга хэмжээний хүрээнд маргааш /2019.06.12/ “Аж үйлдвэрийн  IV хувьсгал: Хөгжиж буй орнуудад тулгарч буй сорилтууд” сэдэвт олон улсын эрдэм шинжилгээний хурал зохион байгуулах гэж байна. Тус хурал нь нэгдсэн хуралдаанаас гадна Стратеги ба Манлайлал, Дижитал зуун дахь  Хүний нөөц, Бизнес ба Туризм гэсэн үндсэн гурван дэд хэсэгтэй.

Олон улсын хуралд Монгол Улсын зарим салбарын яамд, томоохон бизнесийн байгууллага, их дээд сургуулиуд болоод ОХУ,  Япон, Австрали, БНСУ, Казахстан зэрэг улсуудын төлөөлөл илтгэл тавьж, хэлэлцүүлнэ.