“Эрэл”, “Номин” компаниудын эзэмшлийн “Ариг” банкинд үл ойлголцлоо шийдвэрлэх ҮҮРЭГ өгчээ

 “Ариг” банктай  холбоотой анхаарал татсан мэдээллүүд сүүлийн үед сошиал сувгуудаар цацагдаж байгаа. Тэгвэл Монголбанкны Хяналт шалгалтын газрын хянан шалгагч Б.Халиун тус банктай холбогдуулан дараах тайлбарыг өгч байна. 

- “Ариг” банкны хувьцаа эзэмшигчдийн хооронд маргаан үүсэж, хувьцаа эзэмшигчдийн хурлаар бүрэн эрхээ хэрэгжүүлээгүй,  Төлөөлөн удирдах зөвлөл нь хурлаа хийж чадахгүй, банкны зохистой засаглалын зарчим алдагдаад байгаа нь олон нийт анхаарлыг татаад байх шиг байна. Иймд тус банкинд учирч буй дээрх эрсдэлийг Банкны хяналт шалгалтын хорооны хурлаар хэлэлцэн Монголбанкны Ерөнхийлөгчид зөвлөмж хүргүүлсэн. Тус зөвлөмжийн дагуу Монголбанкны Ерөнхийлөгчийн тушаалаар "Ариг" банкинд Банкны тухай  хуульд заасан урьдчилан сэргийлэх арга хэмжээний хүрээнд банкны хувь нийлүүлэгчдийн хурлаар  маргаантай асуудлаа яаралтай шийдвэрлэх хугацаатай үүрэг даалгавар өгсөн. Хувьцаа эзэмшигчдийн хооронд үүссэн маргаан даамжрах, Монголбанкнаас өгсөн үүрэг даалгаварыг биелүүлээгүй тохиолдолд Банкны тухай хуулийн дагуу шаардлагатай арга хэмжээг авах болно. -  гэв. 

"Ариг"  банкны үүх түүхээс дурдахад 1997 онд "Эрэл Банк” нь  нэртэйгээр байгуулагдаж, Монгол Улсын хоёр дахь Арилжааны банкны үйл ажиллагаа явуулах эрхээ авсан байдаг. 2014 оноос  “Эрэл Банк”  нэрээ  “Ариг"  хэмээн өөрчилжээ. 

Тус банкны ТУЗ-ийн даргаар “Жей Ти Интернэйшнл"  компанийн захирал С.Жаргалсайхан, гишүүдээр "Номин Холдинг"-ийн гүйцэтгэх захирал С.Сайнбат,  "Эрэл Холдинг"-ийн гүйцэтгэх захирал Э.Жаргалан,  "Эрэл” компанийн ерөнхий захирал Д.Сэргэлэн,  "Номин Холдинг" компанийн санхүү бизнес эрхэлсэн захирал Б.Ариунжаргал нар ажилладаг аж. 

2019 оны зургаадугаар сарын 30-ны байдлаарх Ариг банкны активын үзүүлэлтийн мэдээллийг хүргэе.