“Coal Mongolia-2019”: Метан хийн төслийг хөрөнгө оруулагчдад танилцуулна
“Coal Mongolia-2019” нүүрсний салбарын худалдаа, хөрөнгө оруулалтын олон улсын чуулга уулзалтад Засгийн газрын гишүүд, яам агентлагийн төлөөлөл, нүүрс олборлолт, баяжуулалт, боловсруулалт, тээвэрлэлтийн болон худалдаа, тээвэр ложистикийн компаниуд, оператор компаниуд, хөрөнгө оруулагчид, банк, санхүүгийн байгууллагууд, эрдэмтэн судлаачид зэрэг 30 гаруй орны 500 орчим төлөөлөгч оролцож байна.
Чуулга уулзалтыг Уул уурхай, хүнд үйлдвэрийн сайд Д.Сумъяабазар нээж үг хэлсэн юм. Тэрбээр “Уул уурхайн салбар нь улс орны эдийн засагт чухал үүрэг гүйцэтгэж, дотоодын нийт бүтээгдэхүүний 24 хувийг, аж үйлдвэрийн салбарын нийт бүтээгдэхүүний 72 хувийг, экспортын бүтээгдэхүүний 87 хувийг, гадаадын шууд хөрөнгө оруулалтын 75 хувийг тус тус бүрдүүлж манай улсын тэргүүлэх салбар болон хөгжиж байна. Уул уурхайн үйлдвэрлэлтэй уялдаж, зам, тээвэр, харилцаа холбоо, эрчим хүч, банк санхүүгийн систем, барилга, хот байгуулалт зэрэг салбарт шууд бус, дам нөлөө үзүүлж улс орны эдийн засаг, нийгмийн хөгжилд чухал үүрэг гүйцэтгэж байгааг тэмдэглэх нь зүйтэй” гэлээ.
“Өрсөлдөөнд манлайлъя” уриан дор зохион байгуулагдаж буй энэ удаагийн чуулга уулзалтыг “Эрдэнэс Монгол” ХХК хамтран зохион байгуулж байгаа юм. Азийн зах зээлд Монголын нүүрсний салбарын өрсөлдөх чадварыг сайжруулах зорилготой чуулга уулзалтын эхний өдөр Монголын нүүрсний салбарын өнөөгийн байдал, хэтийн төлөвийн талаар хэлэлцэж байна.
Чуулга уулзалтын хоёр дахь өдөр буюу маргааш “Эрдэнэс Монгол” ХХК-ийн Захиргаа, хүний нөөц хариуцсан дэд захирал Н.Лхагвабаатар компанийн хэрэгжүүлж буй төсөл, хөтөлбөр болон цаашдын чиг хандлагын талаар илтгэл тавьж, хэлэлцүүлэх юм. Мөн охин компани болох “Багануур” ХК-ийн Гүйцэтгэх захирал Э.Номинчулуун Багануурын уурхайн хэтийн төлөв, хөгжлийн талаар илтгэл тавих бол “Эрдэнэс Метан” ХХК-ийн Гүйцэтгэх захирал Д.Амар Метан хийн төслөө гадаад, дотоодын хөрөнгө оруулагчдад танилцуулна.
Дашрамд дурдахад, Монгол Улс энэ онд нийт 42 сая тонн нүүрс өмнөд хөршийн зах зээлд нийлүүлэхээр төлөвлөсөн. Оны эхний долоон сарын байдлаар 20 орчим сая тонн нүүрс буюу төлөвлөгөө 50 хувийн биелэлттэй байна. Өнгөрсөн оны мөн үетэй харьцуулахад экспорт 0.42 хувиар өсжээ.
Холбоотой мэдээ
Сэтгэгдэл ( 1 )
Сайн байна уу хатагтай, эрхэм ээ Бид бол хүмүүсийн хүсэл мөрөөдлөө биелүүлэх боломжийг олгох үүднээс хүмүүс хоорондын зээлийг санал болгодог санхүүгийн бүтэц юм. Хэрэв танд хувийн төсөл байгаа бол; эсвэл санхүүжилтийн хэрэгцээ; бидэнтэй холбогдоорой Зээлийн хугацаанд зээлийн хүү 2% байна. Бидний санал 5,000-аас 5,000,000 долларын хооронд хэлбэлзэж, 1 жилээс 25 жил хүртэл буцаан олгогддог. Хэрэв та сонирхож байвал бидэнтэй холбоо бариарай. Захидал: matildalecoustre@gmail.com wathsapp: 0033 756 86 5319