17 Банк бус санхүүгийн байгууллага  хувь нийлүүлсэн хөрөнгөө 8.4 тэрбумаар  нэмлээ

Санхүүгийн зохицуулах хорооноос 2019 оны II улиралд нийт 40 Банк бус санхүүгийн байгууллагын гаргасан зөвшөөрлийн хүсэлтийг Хорооны даргын тушаалаар шийдвэрлэв.

Эдгээрээс  гурван ББСБ-ын оноосон нэрийн өөрчлөлтийг бүртгэж, таван  ББСБ-д салбар байгуулах зөвшөөрөл өгч, нэг ББСБ-ын салбарыг хүчингүй болгов. Мөн 13 ББСБ-ын хувьцаа эзэмшигчдийн бүрэлдэхүүн, хувь нийлүүлсэн хөрөнгийн хэмжээ, бүтцэд өөрчлөлт оруулахыг, есөн  ББСБ-ын хөрөнгийн хэмжээнд өөрчлөлт оруулахыг, хоёр  ББСБ-ын хувь нийлүүлсэн хөрөнгийн хэмжээ, бүтцэд өөрчлөлт оруулахыг, нэг  ББСБ-ын хувьцаа эзэмшигчдийн бүрэлдэхүүн, хувь нийлүүлсэн хөрөнгийн бүтцэд өөрчлөлт оруулах, зургаан  ББСБ-ын хувьцаа эзэмшигчдийн бүрэлдэхүүнд өөрчлөлт оруулахыг зөвшөөрлөө.

17 ББСБ-ын хувь нийлүүлсэн хөрөнгийн хэмжээг 8.4 тэрбум төгрөгөөр нэмэгдүүлэхийг зөвшөөрсөн байна.