Саудын Арабын газрын тосны “Сауди Арамко” компани түүхэн дэх хамгийн томд тооцогдох IPO-г гаргах нь гэж олон улсын шинжээчид үзэж байна. Төрийн өмчит “Сауди Арамко” компани хувьцааны нэрлэсэн үнэ болоод хэдэн хувийг хөрөнгө оруулагчдад санал болгох зэргээ одоогоор албан ёсоор ил болгоогүй ч “Wall Street Journal”-ын мэдээллээс үзэхэд нийт хувьцааныхаа 2-5 хувийг арилжаална гэж байгаа юм.
Энэ оны есдүгээр сарын байдлаар тус компанийн цэвэр ашиг 68 тэрбум ам.доллар байгаа нь жилийн өмнөхтэй харьцуулахад 18 хувиар буурсан ч дэлхийд тэргүүлсэн хэвээрээ байгаа.
Түүнчлэн ашиг орлогоороо бусад топуудын урд зогсож буй “Сауди Арамко” компанийн IPO-ны танилцуулгыг харахад анхдагч зах зээлийн захиалга нь 11 дүгээр сарын 17-ноос эхлэж, арванхоёрдугаар сарын 4-нийг хүртэлх хугацаанд мэргэжлийн хөрөнгө оруулагчид, хувь хөрөнгө оруулагчид гэсэн ангилалтайгаар хувьцааны захиалга авах аж.
“Сауди Арамко” компани энэ сарын 11-14-нд Абу Дабид болж буй Олон улсын газрын тосны үзэсгэлэн, арга хэмжээнд оролцохдоо газрын тосны салбар “Аж үйлдвэрийн IV хувьсгал” буюу 4.0 технологийг нэвтрүүлэхийг уриаллаа.
Сэтгэгдэл ( 0 )