Хятадад гар утас хэрэглэгчдийн царай таних СТАНДАРТ нэвтрүүллээ

ZTE, Dahua, China Telecom зэрэг БНХАУ-ын компаниуд хэрэглэгчдийн нүүр царайг таних шинэ стандартыг энэ сараас эхлэн нэвтрүүлснийг Financial Times мэдээллээ.

Гар утас хэрэглэдэг хүн бүр шаардлагын дагуу царайгаа таниулах бүртгэл хийлгэснээр цахим орчинд өөрийн нэр, хаягаараа л нэвтрэх боломжтой болох аж.

Ер нь БНХАУ-д иргэд цахим орчинд чөлөөтэйгөөр үзэл бодлоо илэрхийлэх боломж хумигдмал. Иргэд нь технологид суурилсан үйлчилгээ авахын тулд царайгаар таних эсхүл өөрийгөө гарцаагүй баталгаажуулах баримтыг бүрдүүлэх зэрэг шаардлагуудтай тулж байдаг. Тэгвэл энэ төрлийн хяналт улам өндөрсөж байна гэсэн шүүмж тус улсын эрх баригчид руу чиглэж байна.