Улсын өр жилийн өмнөхөөс 2 тэрбум ам.доллароор НЭМЭГДЖЭЭ

Улсын нийт гадаад өр оны эхний есөн сард 29.9 тэрбум ам.доллар болж, өмнөх оны мөн үеэс 2 тэрбум ам.доллароор өссөн байна. Нийт гадаад өрийг салбараар авч үзэхэд: 

• Компани хоорондын зээллэг 9.8 тэрбум ам.доллар буюу 32.9%
• Бусад салбарынх 8.6 тэрбум ам.доллар буюу 28.6%
• Засгийн газрынх 7.4 тэрбум ам.доллар буюу  24.6%
• Төв банкнаас бусад хадгаламжийн байгууллагынх 2.2 тэрбум ам.доллар  буюу 7.4%
• Төв банкных 1.9  тэрбум ам.доллар буюу 6.5%  байна.

Засгийн газрын нийт өр оны эхний есөн сард 22.7 их наяд төгрөг болж, өмнөх оны мөн үеэс 1.3 их наяд төгрөг буюу 5.9 хувиар өсжээ  Засгийн газрын нийт өрийн: 

• 85.1 хувь гадаад өр
• 6.2 хувь нь дотоод өр
• 4.7 хувь нь Засгийн газрын өрийн баталгаа
• 4  хувь нь барих-шилжүүлэх төрлийн концесс байна.