Дэлхийн зах зээл дээр алтны ханш буурчээ

Алтны ханш өнөөдөр   1566.74 ам.доллар байна. Энэ сарын эхний арав хоногт Иран, АНУ-ын харилцааны улмаас 1603.35 ам.долларт хүрээд байсан алтны ханш уруудсан үзүүлэлттэй байна. Өнгөрсөн  арванхоёрдугаар сарын 25-ны өдөр унц алтны үнэ  1490.20 ам.доллар байсантай харьцуулахад өнөөдрийн ханш 70 гаруй ам.доллароор өсөлттэй байгаа юм.

Тэгвэл унц алтны үнэ:

• 2019 оны аравдугаар  сард дунджаар 1513 ам.доллар
• 2019 оны арваннэгдүгээр  сард  дунджаар 1464 ам.доллар
• 2019 оны арванхоёрдугаар сарын дунд үед дунжаар  1448 ам.доллар болж буурч байсан.

Төв банкуудын алт худалдан авалт 2019 оны гуравдугаар  улирлын байдлаар 547.5 тонн хүрч өмнөх оны мөн үеэс 12 хувиар нэмэгдсэн. Цаашид ОХУ, Турк болон Хятадын төв банкуудын алт худалдан авалт нэмэгдэхээр байна гэж шинжээчид таамаглаж байгаа.  Алтны эрэлт 2019-2020 оны туршид хадгалагдах төлөвтэй хэдий ч хөгжингүй орнуудын өсөлтийн төлөв буурах нөлөөгөөр 2020 онд алтны үнийн хэлбэлзэл өндөр байх төлөвтэй байгаа аж.