ОПЕК ОХУ-аас хариу хүлээх зуур газрын тосны үнэ СЭРГЭВ

Нью-Йоркийн бирж дээр нэг баррель түүхий нефтийн үнэ 51.38 ам.доллар буюу 0.41 хувийн өсөлттэй байна. Коронавирусийн тархалт нэмэгдэхтэй зэрэгцэн дэлхийн зах зээл дээр газрын тосны үнэ буурч буйг өмнө нь мэдээлсэн. Харин сүүлийн гурван өдөрт газрын тосны үнэд сэргэлт ажиглагдаж байна.

Энэ нь газрын тос олборлон, боловсруулагч орнуудын Засгийн газар хоорондын олон улсын байгуулага ОПЕК олборлолтоо өдөрт 200 000 баррелиар бууруулахаар мэдээлсэнтэй холбоотой.

Коронавирусийн дэгдэлт дэлхийн газрын тосны эрэлтийг  бууруулж буйтай холбоотойгоор ОПЕК олборлолтыг бууруулах эхний алхам хийж буй  нь ийнхүү ханшид нөлөөлөхдөө өсөлтийг дагууллаа гэж шинжээчид тайбарлаж буйг Reuters мэдээллээ. Нэг ёсондоо нийлүүлэлт нэмж буурах нь гэсэн хүлээлт  үнийг  өсгөж байна. 

ОПЕК+ОХУ эрэлт буурч буй нөхцөлд нийлүүлэлтийн илүүдэл үүсэх учраас, олборлолт, үйлдвэрлэлээ бууруулах асуудлаар өнгөрсөн долоо хоногт хэлэлцэхэд, ОХУ  олборлолтыг танахыг дэмжээгүй гэх мэдээлэл байсан. Гэсэн ч олборлолтыг тодорхой хэмжээнд бууруулах нь зөв гэсэн байр суурь давамгайлсан нь зах зээлд нөлөөлж байна.

“AxiCorp"-ийн зах зээлийн ахлах шинжээч  Стефен Иннес хэлэхдээ "ОПЕК олборлолтыг бууруулах байр суурьтай байгаа.  ОХУ-аас албан ёсны хариу хүлээж байгаа нь  газрын тосны үнийг өсөхөд нөлөөлж байна” гэжээ.

Шинэ вирусийн тархалттай холбоотойгоор зах зээл илүү мэдрэг байгаа учраас газрын тос олборлогчид ч шийдвэр гаргахад бэлэн байдалтай байгаа юм.