Зарим бүтээгдэхүүний татварыг ХОЙШЛУУЛАХ хуулийн төсөл өргөн барина

Засгийн газраас зарим нэр төрлийн бараа бүтээгдэхүүн дээр татвар төлөх хугацааг хоёр сараар хойшлуулах хуулийн төсөл боловсруулан УИХ-д өргөн барихаар болоод байна. Сануулахад, УИХ-ын дарга Б.Занданшатар, Монголбанкны ерөнхийлөгч Б.Лхагвасүрэн нар энэ долоо хоногийн мягмар гарагт бизнес эрхлэгчидтэй уулзсан.   

Тухайн үед бизнес эрхлэгчдийн зүгээс хэд хэдэн саналыг тавьсан. Тухайлбал, коронавирусийн тархалтаас урьдчилан сэргийлэх үйл ажиллагаа эдийн засагт нөлөөлж буй учраас:

• Амны хаалтны түүхий эдийг гаалийн татвараас чөлөөлөх

• Гурил, будаа, ургамлын тос, элсэн чихэр зэрэг гол нэрийн хүнсний бүтээгдэхүүний импортын татварыг тэглэх буюу хойшлуулах

• Тээвэрлэлтээс маш их цаг хугацаа алдаж байгаа учир гаалийн бүрдүүлэлт, хяналт шалгалтыг хөнгөвчилж өгөх

• Зээлийн хүүг тодорхой хугацаанд хойшлуулах

• Валютын нөөцийг нэмэгдүүлэх зэрэг саналуудыг гаргасан юм.