Төсвийн орлого өмнөх оны мөн үеэс 210 тэрбумаар БУУРЧЭЭ

2020 оны 02 сарын 28

Монгол Улсын төсвийн орлого өмнөх оны мөн үеэс 210 тэрбум төгрөгөөр буураад байгааг Сангийн сайд мэдэгдлээ. Коронавирустэй холбоотойгоор  төсөвт ачаалал ирнэ, гэхдээ оны төгсгөл хавиар нөхөөд авчих байх гэсэн таамаглал түүнд байна.

Мөн тэрбээр   “Улсын төсвийг тодотгохгүй. Төсөвт тусгасан үйл ажиллагаануудаа хэмнэлтийн горим, ач холбогдлын эрэмбээр хэрэгжүүлнэ.

Тодорхой хэмжээнд хөл хориотой байгаа үед эдийн засгийн агшилт явагдаж байгаа. Тиймээс төсвийн хөрөнгө оруулалтыг царцаахгүй. Тендерээр  баригдах ёстой сургууль,  цэцэрлэгээ барина. Монголчуудын эрүүл мэндийн асуудал нэг номерт хэвээрээ байгаа.

Үүний хажуугаар эдийн засгаа дэмжих бодлогуудыг уялдуулаад авч хэрэгжүүлэхээр санал оруулж ирж байна. 2016 оноос хойш эдийн засгийн суурь үзүүлэлтүүдийг сайжруулахаар санал санаачлагууд гаргаж ажилласан. Суурь үзүүлэлтүүд ч  сайжирсан. Монголын эдийн засгийн суурь үзүүлэлтүүд нэг жил орчмын хүнд байдлыг даван туулах хэмжээнд байгаа. Төсвийн санхүүжилтийг зээл авахгүйгээр хэрэгжүүлнэ” гэлээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin (103.229.121.200)  2020 оны 02 сарын 28

luiwarchidaas mongoo awya tegeed boloo shu de

0  |  0
иргэн (202.70.34.70)  2020 оны 03 сарын 01

За зээл л битгий аваарай, бусад нь ч яахав

1  |  0
Top