“Circle-K”-ийн хогийн савнаас олдсон НЯРАЙ АМЬСГАЛ ХУРААЖЭЭ

Өнгөрөгч аравдугаар сарын 1-ний өдөр нийслэлийн Чингэлтэй дүүргийн нутаг дэвсгэр, “Ард” кино театрт байрлах “Circle-K” сүлжээ дэлгүүрийн ариун цэврийн өрөөнд 22 настай эмэгтэй амаржиж, төрүүлсэн хүүхдээ хогийн саванд хаясан хэрэг гарсан. Тус дэлгүүрийн үйлчилгээний ажилтан нярайг олж, цагдаагийн байгууллагад мэдэгдсэнээр хүүхдээ хаясан эмэгтэйг шуурхай олж илрүүлэн, шалгалтын ажиллагаа явуулсан юм. 

Хогийн саванд хаягдсан нярайг өнгөрсөн хугацаанд ЭХЭМҮТ-ийн Нярайн эрчимт эмчилгээний тасагт эмчилж байсан ч нярай өвчнөө даалгүй амьсгал хураажээ.

Эмч нарын зүгээс тус нярайд хордлого тайлах, амьсгалын дутагдлаас гаргах зэрэг эмчилгээ хийж, шаардлагатай бүхий л арга хэмжээг авсан гэдгийг хэлж байна.