Даатгалын хураамжийн орлого өмнөх оноос 2.5 хувиар өслөө

Даатгалын хураамжийн орлого 2020 онд 201.5 тэрбум төгрөгт хүрч, даатгалын нөхөн төлбөрт 59.8 тэрбум төгрөг олгожээ. Энэ нь өмнөх оноос даатгалын хураамжийн орлого 4.9 (2.5%) тэрбум төгрөгөөр өсөж, даатгалын нөхөн төлбөр 5.6 (8.6%) тэрбум төгрөгөөр буурсан үзүүлэлт байна.

Даатгалын хураамжийн орлого өмнөх оноос 4.9 тэрбум төгрөгөөр өсөхөд хөрөнгийн даатгалын хураамжийн орлого 6.2 (14.3%) тэрбум төгрөгөөр, барилга угсралтын даатгалын хураамжийн орлого 1.3 (17.3%) тэрбум төгрөгөөр өссөн нь голлон нөлөөлжээ. Даатгалын нөхөн төлбөр өмнөх оноос 5.6 (8.6%) буурахад хөрөнгийн даатгалын нөхөн төлбөр 3.1 тэрбум төгрөгөөр, агаарын хөлгийн даатгалын нөхөн төлбөр 0.9 тэрбум төгрөгөөр, зээлийн даатгалын нөхөн төлбөр 0.9 тэрбум төгрөгөөр буурсан нь нөлөөлсөн байна.