ХОМ: Ж.Ганбаатар гишүүний хадгаламж 16 тэрбумаар буурч, Ц.Мөнх-Оргилынх 400 сая төгрөгөөр өсжээ

Авлигатай тэмцэх газраас төрийн өндөр албан тушаалтнууд, албан хаагчдын Хөрөнгө орлогын мэдүүлгийг хураангуй байдлаар танилцууллаа. УИХ-ын гишүүдийн хөрөнгө орлогын мэдүүлгээс ХАДГАЛАМЖ-ийн мэдээллийг нь тодотгон танилцуулж байна.

Ж.Ганбаатар гишүүн 8.9 тэрбум төгрөгийн хадгаламжаараа уг жагсаалтыг тэргүүлж байна. Гэхдээ түүний хадгаламжийн хэмжээ 2020 оны УИХ-ын сонгуульд өрсөлдөн, сонгогдож байсан  үеийнхээс нь 16 тэрбум төгрөгөөр буурсан байна. Тухайн үед тэрбээр 25 тэрбум 39 сая төгрөгийн хадгаламжтай хэмээн мэдүүлж байсан юм.

Харин Д.Өнөрболор гишүүний хувьд 7.5 тэрбум төгрөгийн хадгаламжаар хоёрдугаарт эрэмбэлэгдэж байна. Тэрбээр УИХ-ын гишүүнээр сонгогдох үедээ 7.6 тэрбум төгрөгийн хадгаламжтай гэж мэдүүлж байсан. Тэгэхээр түүний хадгаламж 100 сая төгрөгөөр буурчээ.

Ц.Мөнх-Оргил гишүүн 6.4 тэрбум төгрөгийн хадгаламжаар гуравдугаарт жагслаа. Түүний хадгаламжийн хэмжээ өмнөх удаагийн ХОМ-д мэдүүлснээс 400 сая төгрөгөөр өсжээ.

Хадгаламжаараа эхний аравт орсон гишүүд төгрөгийн хадгаламжтай байна.

ХАМГИЙН ИХ ХАДГАЛАМЖТАЙ ГИШҮҮД

• Ж.Ганбаатар - 8.9 тэрбум төгрөг
• Д.Өнөрболор - 7.5 тэрбум төгрөг
• Ц.Мөнх-Оргил - 6.4 тэрбум төгрөг
• Б.Дэлгэрсайхан -  2.9 тэрбум төгрөг
• Н.Учрал - 1.7 тэрбум төгрөг
• Ш.Адьшаа 1.3 тэрбум төгрөг
• Д.Бат-Эрдэнэ - 1.3 тэрбум төгрөг
• С.Батболд - 684 сая төгрөг
• Ч.Хүрэлбаатар - 616 сая төгрөг
• Н.Энхболд - 507 сая төгрөг