Л.Оюун-Эрдэнэ: Үүсээд буй нөхцөл байдалд хүргэсэн албан тушаалтанд хариуцлага тооцно

Э.Мөнхжин | Zindaa.mn
2021 оны 09 сарын 22

Шатахууны хангамж, нийлүүлэлтэд үүсээд буй нөхцөл байдал, тулгамдаж буй асуудал, цаашид хэрэгжүүлэх арга хэмжээний талаар Уул уурхай, хүнд үйлдвэрийн сайд Засгийн газрын хуралдаанд танилцуулж, танилцуулгатай холбоотойгоор Засгийн газар үүрэг даалгавар өглөө.

Монгол, Оросын Засгийн газар хоорондын комиссын 2021 оны гуравдугаар сарын хуралдааны протокол, ОХУ-ын “Роснефть” НХН болон Монголын шатахуун импортлогч компаниудын хооронд байгуулсан 2023 он хүртэл шатахуун нийлүүлэх урт хугацааны гэрээгээр тохиролцсоны дагуу Оросын талтай хэлэлцэж, холбогдох арга хэмжээ авч ажиллахыг Худалдаа, эдийн засаг, шинжлэх ухаан, техникийн хамтын ажиллагааны Монгол, Оросын Засгийн газар хоорондын комиссын Монголын хэсгийн ахлагч, Шадар сайд С.Амарсайханд даалгалаа.

Шатахууны хангамжийн тогтвортой байдлыг хангах хүрээнд эхний ээлжинд БНХАУ-аас худалдан авч буй 43440 тн шатахуун ачсан 723 вагонцистерний төмөр замын тээвэрлэлт болон цаашид хийх тээвэрлэлтийг саадгүй, шуурхай явуулах, татан авах ажлыг тухай бүр нь шийдвэрлэж ажиллахыг Ерөнхий сайд холбогдох сайд нарт даалгав.

Замын-Үүдийн боомтоор БНХАУ-аас импортлох шатахууны тоо, хэмжээ нэмэгдэж байгаатай холбогдуулан Эрээн боомтод ирсэн шатахуун ачсан вагонцистерныг яаралтай татан авах, шилжүүлэн ачих, Хятадын талын вагонцистерныг буцаах, гаалийн бүрдүүлэлт хийх, төмөр замаар тээвэрлэх, импортоор орж ирсэн шатахууны тодорхой хувийг автозамаар тээвэрлэх зэрэг ажлыг яаралтай, шуурхай зохион байгуулахыг холбогдох хүмүүст үүрэг болголоо.

Шатахууны хангамж, нийлүүлэлтэд үүсээд буй нөхцөл байдалд хүргэсэн, хариуцлага алдсан албан тушаалтанд хариуцлага тооцно гэж Ерөнхий сайд анхаарууллаа.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin(162.158.92.88) 2021 оны 09 сарын 22

Xyrelsyxtei xariutslaga tootsoj yarix bolj dee xir shudarga zagnaxiig chin xarya !

1  |  0
зочин(162.158.179.6) 2021 оны 09 сарын 22

Оюун-Эрдэнэ, гадөад яамныхан огцорхон ч юу юм вэ. Харин салбарын сайд Ёндонг шүууд огцруулах хэрэгтэй. Ингэж байж л хариуцлага сайжирна

0  |  0
Огцрох хэрэгтэй(172.69.252.142) 2021 оны 09 сарын 22

Оюунэрдэнэ өөрөө л шууд огцрох нь хариуцлага шүү дээ. Үүнийг ойлгохгүй намаа барцаалаад засгаас зуураад байдаг хүн юм даа\n

1  |  1
Огцор(172.69.252.140) 2021 оны 09 сарын 22

Ялангуяа ГХЯ-аа бүрэн бүрэлдэхүүнээр нь огцруул

1  |  1
Top