ХӨВСГӨЛ: Эмэгтэй хүний муудсан цогцос Дэлгэрмөрөнгөөс олджээ

Хөвсгөл аймгийн Мөрөн сумын нутаг дэвсгэр Дэлгэрмөрөн голоос муудсан цогцос олдсон байна.

Өчигдөр оройн 20.00 цагийн орчимд Дэлгэрмөрөн голын уснаас дээрх цогцсыг олсон бөгөөд 30-35 орчим насны эмэгтэй хүнийх гэжээ.

Задлан шинжилгээний урьдчилсан дүгнэлтээр талийгаач усанд живж, нас барсан гэх ба нас бараад удсан тул цогцос муудаж, биеийн зарим яс ил гарсан байжээ. Хэргийг Хөвсгөл аймаг дахь цагдаагийн газраас талийгаачийн хэн болохыг тогтоохоор ажиллаж байна.