Дуучин Адель: Нөхрөөсөө салсны дараа өдөрт 5 удаа эмчилгээ хийлгэдэг байсан

Дуучин Адель 2019 онд нөхөр Саймон Конецкигээсээ салсны дараа сэтгэл зүйн гүн хямралд орж, өдөрт таван удаа эмчилгээ хийлгэх шаардлагатай болсон тухайгаа өнгөрөгч ням гарагт олон нийттэй хуваалцжээ. 

Тэрээр "Би хэдэн жилийн турш эмчилгээ хийлгээгүй учраас одоо дахин эмчлүүлэх хэрэгтэй болж байна. Би эхлэх хэрэгтэй байна. Өмнө нь салалтынхаа үеэр өдөрт бараг 5 удаа эмчилгээ хийлгэдэг байлаа. Гэхдээ одоо ч гэсэн үүнийг хийж байна. Долоо хоног бүр өөртөө өгч чадах бүх зүйлээ дахин батлагаажуулахын тулд эмчилгээнд хамрагдаж байгаа.

Томоохон арга хэмжээнд оролцох нь намайг айдсаар дүүргэдэг. Тиймээс эмчтэйгээ энэ тухай үргэлж ярилцах хэрэгтэй болдог. Би үргэлж сэтгэл хөдлөлөөр дүүрэн байдаг. Би дуу, хөгжимд дуртай. Гэхдээ амьд хөгжим айдас төрүүлдэг. Тийм учраас би аялан тоглолт хийдэггүй. Гэсэн ч хамгийн сүүлийн удаа үүнийг хийх шаардлагатай болсон. Энэ удаагийн туршлага энэ хэмжээний зааланд үлдсэн амьдралынхаа туршид дуулж болох юм шиг санагдуулж байна" гэжээ. 

Экс нөхрөөсөө салсныхаа дараа өөртөө өөрчлөлт хийж, урлагийн ертөнцөд эргэн ирсэн тэрээр одоогийн найз залуу Рик Паултай гэрлэх бодолтой байгаа тухайгаа мэдээлжээ.

Дахин гэрлэж, олон хүүхэдтэй болох мөрөөдөлтэй Адель сайн ээж, сайн гэрийн эзэгтэй байхыг илүүд үздэг. Тиймээс ч мнөх гэрлэлтээсээ хүнд сэтгэлийн шарх амссан бүсгүй өөрийгөө эдгээн, бүх зүйлийг шинээр эхлүүлэхээр дахин тэмцсээр байна.