ӨГЛӨӨНИЙ МЭНД!
Өнөөдөр 2023.10.31. Билгийн тооллын 18. Монгол эх оронд маань нар 07 цаг 35 минутад мандлаа, 17 цаг 37 минутад жаргана.
Улаанбаатар хотод ялимгүй хур тунадастай. Өдөртөө 6 хэм, шөнөдөө -7 хэм. Та хувцасаа тохируулж өмсөөрэй.
Өнөөдөр дэлхий даяар Хэллоуины баяр, Олон улсын Хар далайн өдөр, Олон улсын эдийн засгийн өдөр. Камбожид өнөөдөр Эзэн хааны мэндэлсэн өдөр, ОХУ-д Хорих газрын ажилчдын өдөр, Энэтхэгт Үндэсний эв нэгдлийн өдөр, Ирландад Ургацын баяр тохиож байна. Мөн дэлхийн хүн ам долоон тэрбумд хүрснийг тохиолдуулан, “Долоон тэрбумын өдөр”-ийг 2011 оноос эхлэн тэмдэглэж байгаа билээ.
Энэ өдөр Нидерландын хөлбөмбөгч Марко ван Бастен, Америкийн инээдмийн жүжигчин Роб Шнайдер, рэп дуучин J.I.D, Буриадын модель, жүжигчин Ирина Пантаева, Японы сүмоч Хокүторики зэрэг алдартан мэндэлжээ.
Энэ өдөр дэлхий дахинд болсон онцлох үйл явдлууд:
475 оны энэ өдөр Ромын Эзэнт гүрний сүүлийн эзэн хаан Флавий Ромул Август хаан ширээндээ заларчээ.
1864 оны энэ өдөр Невада АНУ-ын 36 дахь муж болов.
1892 оны энэ өдөр Артур Конан Дойль “Шерлок Холмс” зохиолоо хэвлүүлсэн байна.
1922 оны энэ өдөр Муссолинигийн цэргүүд Ромд орж, Итали орон фашист засаглалтай болжээ.
1961 оны энэ өдөр И.В.Сталины шарилийг Лениний бунхнаас гаргалаа.
1984 оны энэ өдөр Энэтхэгийн Ерөнхий сайд Индира Ганди алуулжээ.
2011 оны энэ өдөр дэлхийн хүн ам долоон тэрбумд хүрчээ.
2018 оны энэ өдөр дэлхийн хамгийн өндөр хөшөө 240 метр “Эв нэгдлийн хөшөө” Энэтхэгт баригдсан байна.
Өнөөдөр үс засуулбал Эд малын гарлагатай.
Эл өдөр бар, морь жилтнээ аливаа үйлийг хийхэд эерэг сайн бол бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хишиг даллага дуудуулах, насан бүтээл хийлгэх, хүүхэд үрчлэн авах, андгай тангараг, гэрээ хэлцлээ буцаахад сайн. Харин нүүдэл суудал хийх, хэрүүл тэмцэл хийх, эрдэнийг гадагш өгөх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай.
Хол газар явах бол баруун урагш мөрөө гаргаад аян замдаа гараарай.
Өнөөдрийн ажилд тань амжилт хүсье.
Холбоотой мэдээ
Сэтгэгдэл ( 0 )