ӨГЛӨӨНИЙ МЭНД!
Өнөөдөр 2023.12.12. Билгийн тооллын 30. Монгол эх оронд маань нар 08 цаг 32 минутад мандлаа, 16 цаг 59 минутад жаргана.
Улаанбаатар хотод үүлшинэ. Өдөртөө -16 хэм, шөнөдөө -25 хэм. Та хувцасаа тохируулж өмсөөрэй.
Өнөөдөр Олон улсын төвийг сахих байдлын өдөр. Казахстанд өнөөдөр Гаалийн ажилтны баяр, ОХУ-д Үндсэн хуулийн өдөр, Японд Ханз бичгийн өдөр, Кенид тусгаар тогтнолын баяр, Швейцарт Төрийн далбааны өдөр, Киргизэд Үндэсний утга зохиолын баяр юм.
Энэ өдөр Америкийн жүжигчин, Оскар, Алтан бөмбөрцөгийн шагналт Женнифер Коннелли, Орос, Бразилын хөлбөмбөгч, хаалгач Маринато Гильерме, БНСУ-ын “Big Bang” хамтлагийн дуучин Сынри, Нигерийн хөлбөмбөгч Мозес зэрэг алдартны төрсөн өдөр.
Энэ өдөр дэлхий дахинд болсон онцлох үйл явдлууд:
1787 оны энэ өдөр Пеннсилвани АНУ-ын хоёр дахь муж болжээ.
1911 оны энэ өдөр Энэтхэг улс нийслэлээ Калькуттагаас Делид шилжүүлсэн байна.
1913 оны энэ өдөр 1911 онд Луврын музейгээс алга болсон “Мона Лиза” Флоренцид олджээ.
1935 оны энэ өдөр Ираны Шах Реза Пехлеви засгийн эрхэнд гарчээ.
1941 оны энэ өдөр Энэтхэг улс Японд дайн зарлав.
1963 оны энэ өдөр Кени улс Их Британиас тусгаар тогтносноо зарлажээ.
2008 оны энэ өдөр Швейцар улс Шенгений бүсэд нэгдэн орсон байна.
Өнөөдөр үс засуулвал Эрлэг лугаа учирна.
Эл өдөр хулгана жилтнээ аливаа үйлийг хийхэд эерэг сайн бол тахиа, бич жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Харин гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай.
Хол газар явах бол зүүн тийш мөрөө гаргаад аян замдаа гараарай.
Өнөөдрийн ажилд тань амжилт хүсье.
Холбоотой мэдээ
Сэтгэгдэл ( 0 )