ӨГЛӨӨНИЙ МЭНД!

Өнөөдөр 2023.12.14. Билгийн тооллын 2. Монгол эх оронд маань нар 08 цаг 34 минутад мандлаа, 16 цаг 59 минутад жаргана.

Улаанбаатар хотод ялимгүй цастай. Өдөртөө -22 хэм, шөнөдөө -24 хэм. Та хувцасаа тохируулж өмсөөрэй.

Өнөөдөр Алабамад Алабамагийн өдөр бол Бангладешт Аллагад өртсөн сэхээтнүүдийг дурсах өдөр, Украинд Чернобылийн атомын цахилгаан станцын осолд өртөгсдөд хүндэтгэл үзүүлэх өдөр юм.

Энэ өдөр Польшийн дуучин Анна Мария Йопек, Их Британийн дуучин, жүжигчин Бет Ортон, Америкийн жүжигчин Тиа Техада, Микаэла Уоткинс, Кейди Стрикленд, Тэмми Бланчард, Ванесса Хадженс, Английн хөлбөмбөгч Майкл Оуэн зэрэг алдартан төрсөн өдрөө тэмдэглэж байна.

Энэ өдөр дэлхий дахинд болсон онцлох үйл явдлууд:

1911 — Хамгийн эхэнд Өмнөд туйлд Руал Амундсены экспедиц очжээ.

1913 — Крит арлыг Грек албан ёсоор өөртөө нэгтгэв.

1939 — ЗСБНХУ өвлийн дайны улмаас Үндэстнүүдийн лигээс хасагджээ.

1955 — Австри, Албани, Болгар, Унгар, Иордан, Ирланд, Испани, Итали, Камбож, Лаос, Ливи, Балба, Португал, Румын, Финланд улс НҮБ-д элсэв.

1995 — Боснийн дайн дууслаа.

2004 — Дэлхийн хамгийн өндөр гүүр болох Виадук Мийо нээгджээ.

Өнөөдөр үс засуулвал Хэл ам, хэрүүл тэмцэл ирнэ.

Эл өдөр бар жилтнээ аливаа үйлийг хийхэд эерэг сайн бол үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийхэд муу. Өдрийн сайн цаг нь хулгана, үхэр, туулай, морь, бич, тахиа.

Хол газар явах бол баруун хойш мөрөө гаргаад аян замдаа гараарай.

Өнөөдрийн ажилд тань амжилт хүсье.