ӨГЛӨӨНИЙ МЭНД!

Өнөөдөр 2023.12.22. Билгийн тооллын 10. Монгол эх оронд маань нар 08 цаг 39 минутад мандлаа, 17 цаг 02 минутад жаргана.

Улаанбаатар хотод үүлшинэ. Өдөртөө -20 хэм, шөнөдөө -29 хэм. Та хувцасаа тохируулж өмсөөрэй.

Өнөөдөр Армен, Беларус, Киргиз, Орос, Украинд Эрчим хүчний ажилтны өдөр.

Энэ өдөр Молдавын Ерөнхийлөгч асан Николае Тимофти, Германы хөлбөмбөгч, дасгалжуулагч Бернд Шустер, Их Британийн жүжигчин, кино найруулагч Рэйф Файнс, Италийн хөлбөмбөгч Жузеппе Бергоми, Мексикийн хөлбөмбөгч Луис Эрнандес, Францын жүжигчин, дуучин, фотомодель Ванесса Паради, Португалийн хөлбөмбөгч Жозе Фонте, Эдер, Рафаэл Геррейру зэрэг алдартны төрсөн өдөр.

Энэ өдөр Монгол Улсын түүхэнд болсон онцлох үйл явдал:

1966 оны энэ өдөр МАХН-ын Төв хорооны УТТ-ноос Өмнөд хилийн хамгаалалтыг бэхжүүлэх тухай тогтоол гаргажээ.

Энэ өдөр дэлхий дахинд болсон онцлох үйл явдлууд:

1603 оны энэ өдөр I Ахмед Османы эзэнт гүрний шинэ захирагч болжээ.

1885 оны энэ өдөр Ито Хиробүми Японы анхны Ерөнхий сайд болов.

1944 оны энэ өдөр Япон улс Вьетнамыг булаан эзлэхийг эсэргүүцэх зорилготой Вьетнамын Ардын Арми үүсгэн байгуулагджээ.

1976 оны энэ өдөр “Ил-86” онгоцны анхны туршилтын нислэг болсон байна.

1989 оны энэ өдөр Берлиний Бранденбургийн хаалга 28 жилийн дараа дахин нээгдэж, БНАГУ, ХБНГУ-ын нэгдлийг тэмдэглэжээ.

Өнөөдөр үс засуулвал Эрч хүч ихэснэ.

Эл өдөр морь, нохой жилтнээ аливаа үйлийг хийхэд эерэг сайн бол бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хараал жатгыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Өвлийн туйл, хүйтний ес 12 цаг 55 минутад эхэлнэ.

Хол газар явах бол хойш мөрөө гаргаад аян замдаа гараарай.

Өнөөдрийн ажилд тань амжилт хүсье.