ӨГЛӨӨНИЙ МЭНД!
Өнөөдөр 2023.12.26. Билгийн тооллын 15. Монгол эх оронд маань нар 08 цаг 41 минутад мандлаа, 17 цаг 04 минутад жаргана.
Улаанбаатар хотод үүл багасна. Өдөртөө -12 хэм, шөнөдөө -22 хэм. Та хувцасаа тохируулж өмсөөрэй.
Өнөөдөр Австрали, Их Британи, Шинэ Зеланд, Канад, Кирибати, Науруд Бэлэглэх өдөр бол ОХУ-д Агаарын довтолгооноос хамгаалах цэргүүдийн өдөр, Словенид Тусгаар тогтнол, нэгдлийн өдөр.
Энэ өдөр Австралийн кино найруулагч Фред Скеписи, Америкийн хөгжмийн продюсер Фил Спектор, Оросын Ардын жүжигчин Михаил Боярский, Америкийн жүжигчин Жаред Лето, Францын хөлбөмбөгч Уго Льорис, Английн жүжигчин Кит Харингтон, Оросын хөлбөмбөгч Денис Черышев зэрэг алдартны төрсөн өдөр.
Энэ өдөр Монгол Улсын түүхэнд болсон онцлох үйл явдал:
1958 оны энэ өдөр МХЗЭ-ийн 13 дугаар Их хурал хуралдаж, 442 төлөөлөгч оролцжээ.
Энэ өдөр дэлхий дахинд болсон онцлох үйл явдлууд:
1946 оны энэ өдөр Лас-Вегаст алдартай дээрэмчин Багси Сигелийн барьсан «Фламинго» зочид буудал нээгджээ. Энэ өдрөөс эхлэн Лас-Вегас дэлхийн тоглоомын бизнесийн нийслэл хот болох өөрчлөн шинэчлэлт эхэлсэн байна.
1973 оны энэ өдөр сансрын «Союз-13» хөлөг газарджээ.
1974 оны энэ өдөр “Салют-4” сансрын станцыг хөөргөжээ.
1979 оны энэ өдөр “Парис – Дакар” ралли анх удаагаа болов.
2004 оны энэ өдөр Энэтхэгийн далайд болсон газар хөдлөлт орчин үеийн түүхэн дэх хамгийн аймшигт цунамиг дагуулжээ.
Өнөөдөр үс засуулвал Өлзийтэй сайн.
Эл өдөр бар, нохой жилтнээ аливаа үйлийг хийхэд эерэг сайн бол бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, багш шавьд барилдах, номын авшиг авах, шинэ гэр, байр авах, гарагийг тахих, тангараг тавихад сайн. Харин гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа.
Хол газар явах бол баруун урагш мөрөө гаргаад аян замдаа гараарай.
Өнөөдрийн ажилд тань амжилт хүсье.
Холбоотой мэдээ
Сэтгэгдэл ( 0 )