Японы амьтны хүрээлэнгүүд панда баавгайгүй болно

Бээжин, Токиогийн харилцаа хурцадсаны улмаас Японы амьтны хүрээлэнгүүд сүүлийн 54 жилд анх удаа панда баавгайгүй болохдоо тулаад байна гэж Киодо Цушин агентлаг мэдээлжээ.

Өдгөө Японы нутаг дэвсгэрт хоёр ихэр хулсны баавгай байна. Ихрүүдийг Японы талд түрээслүүлсэн бөгөөд Токио хотын Уэно амьтны хүрээлэнгийн хамгийн гол үзмэрүүд юм. Ирэх оны нэгдүгээр сард түрээсийн хугацаа дуусгавар болж, панда баавгайнууд эх орондоо буцна.

Хоёр улсын харилцаа хурцадсан энэ үед панда баавгайг түрээслэх шинэ гэрээ байгуулах магадлал туйлын бага байна.