ЭХЭМҮТ хөгжлийн дараагийн шатны зорилтоо тодорхойллоо

Эх, Хүүхдийн Эрүүл Мэндийн Үндэсний Төвийн 2026 оны эхний хагас жилийн үйл ажиллагааны нэгдсэн тайлангийн хурал болж, төвийн харьяа салбар эмнэлэг, алба, нэгжүүд өнгөрсөн зургаан сарын ажлын үр дүнгээ нэгтгэн дүгнэж, цаашдын хөгжлийн зорилт, чиглэлээ тодорхойллоо.

Тайлангийн хурлаар эхний хагас жилд хэрэгжүүлсэн бодлого, үйл ажиллагааны хэрэгжилт, эмнэлгийн тусламж үйлчилгээний чанар, хүртээмжийг сайжруулах хүрээнд хэрэгжүүлсэн ажлын үр дүн, байгууллагын үйл ажиллагаанд гарсан ахиц дэвшлийг хэлэлцэн үнэлэв. Мөн тусламж үйлчилгээний чанарын үзүүлэлт, шинэ технологи, инновацын нэвтрүүлэлт, хүний нөөцийн хөгжил, байгууллагын менежментийг боловсронгуй болгох чиглэлээр хэрэгжүүлсэн онцлох ажлуудыг танилцууллаа.

Салбар эмнэлгүүдийн удирдлагууд өөрсдийн чиглэлээр хэрэгжүүлсэн онцлох ажил, тусламж үйлчилгээний чанар, хүртээмжийг нэмэгдүүлэхэд хэрэгжүүлсэн арга хэмжээ, шинэ санаачилга, үр дүнтэй туршлагаа танилцуулж, цаашдын хамтын ажиллагаа, хөгжлийн чиглэлээр санал солилцов.

Хурлын үеэр байгууллагын хөгжил, эх, хүүхдийн эрүүл мэндийн тусламж үйлчилгээний чанарыг дээшлүүлэх үйлсэд манлайлан ажилласан шилдэг хамт олон, шилдэг ажилтнуудыг шалгаруулан шагнаж, хамт олны өмнө хөдөлмөр, зүтгэлийг нь өндрөөр үнэллээ.

Мөн тайлангийн хурлаар байгууллагын үйл ажиллагааг улам боловсронгуй болгох, тусламж үйлчилгээний чанар, аюулгүй байдал, хүртээмжийг тасралтгүй сайжруулахад чиглэсэн тэргүүлэх зорилт, хэрэгжүүлэх арга хэмжээг хэлэлцэн, 2026 оны хоёрдугаар хагас жилийн үйл ажиллагааны төлөвлөгөөг баталлаа.

Эх, Хүүхдийн Эрүүл Мэндийн Үндэсний Төв нь цаашид эх, хүүхдийн эрүүл мэндийн тусламж үйлчилгээг олон улсын жишигт нийцүүлэн хөгжүүлэх, үйлчлүүлэгч төвтэй, чанартай, аюулгүй тусламж үйлчилгээг тогтвортой бэхжүүлэх, инновац, хүний нөөцийн хөгжлийг дэмжих чиглэлээр бодлого, үйл ажиллагаагаа эрчимжүүлэн ажиллах юм.