Үнэн үү, Ерөнхийлөгч өө

Дэлхий сөнөх нь гэсэн айдас түгшүүр иргэдийн дунд байгаа. Тэр ч бүү хэл дэлхийн мөхөлд бэлтгэж лаа шүдэнз, хоол хүнс, түлээ түлшээ базааж “бужигнасаар” байгаа хэдий ч эрхэм Ерөнхийлөгч маань ард түмэндээ тайвшруулах үг амнаасаа унагаагүй. Харин өчигдөр эрхэм Ерөнхийлөгч маань твиттер хуудаснаа "Маргааш буюу 21-нд би ажил дээрээ, гэртээ, Улаанбаатарт байх болно, иргэд минь санаа бүү зов" хэмээн жиргэжээ. Уг нь албан ёсоор, хэвлэлийнхэнд хандан хэдэн үг хэлсэн бол арай л жинтэй байх байлаа.