Багануурын ИТХ-ын дарга, нарийн бичгийн дарга нар тамга, түлхүүрээ аваад зугтжээ

Багануур дүүргийн ИТХ-ын дарга асан Р.Өнөржаргал, ИТХ-ын нарийн бичгийн дарга бөгөөд хурлын ажлын албаны дарга М.Даваасүрэн нар 2012 оны 12 дугаар сарын 20-ны өдрийн 15:30 цагаас эхлэн Хурлын ажлын албаны өрөөнүүдийг лацдан Хурлын тамга, Ардчилсан намаас сонгогдсон дүүргийн ИТХ-ын төлөөлөгчдийн энгэрийн тэмдэг, үнэмлэхийг аван зугтжээ.

Үүний улмаас ИТХ-ын анхдугаар хуралдааны тогтоолууд дээр тамга даруулах, шинээр сонгогдсон ИТХ-ын дарга Б.Бямбадорж ажлаа хүлээж авах асуудал хоёр дахь өдрөө хойшлогдон хүлээгдэж байгаа юм.  

Хурлын дарга, төлөөлөгчид ажлын албаны даргыг олж тамга, өрөөнүүдийнхээ түлхүүрийг авахаар хууль хяналтын байгууллагад хандаад байна.

А.Баярмаа