Нийтийн тээвэрт шинээр есөн “Доубус” явж эхэллээ

“Шинэ бүтээн байгуулалт, шинэчлэл”-ийн дунд хугацааны зорилтод хөтөлбөр болон агаарын чанарыг сайжруулах төслийн хүрээнд Байгаль орчин, ногоон хөгжлийн яамны захиалгаар монгол инженерүүдийн зохион бүтээсэн есөн Дуобусыг өчигдрөөс эхлэн нийтийн тээврий үйлчилгээнд гаргажээ.
“Дуобус” буюу монгол инженерүүдийн зохион бүтээсэн троллейбусыг нийтийн тээврийн үйлчилгээнд ашигласнаар агаарын бохирдлыг бууруулахад зохих хувь нэмрээ оруулаад зогсохгүй хүн машин механизмын үйлдвэрлэлийн суурь тавигдах давуу талтай юм. Дуобус өдөрт ойролцоогоор 16 мянган төгрөгийн цахилгаан хэрэглэхээс гадна урсгал засварт хагас сая төгрөг зарцуулдаг байна. Тэгвэл автобус өдөрт 120 гаруй мянган төгрөгийн түлш зарцуулахаас гадна урсгалд засварт нь троллейбусаас зургаагаас долоо дахин их мөнгө шаарддаг аж. Эдгээр хос хөдөлгүүрт троллейбусуудыг гадаадад захиалгаар хийлгэхэд 300-400 мянган доллар шаардагддаг бол эх орондоо хоёр дахин хямд өртгөөр үйлдвэрлэдэг байна.

А.Баярмаа