Солонгос улсад монгол залуу амиа алджээ

БНСУ-ын Канвон аймгийн Самчок дүүрэг дэх далайн эргээс монгол залуугийн цогцос олдсон байна. Өчигдөр орой 18.07 цагийн үед далайн эрэг дээр загасчилж байсан Солонгос иргэн далайн усан дээр амь насаа алдсан байдалтай иргэний цогцос хөвж байгааг цагдаагийн газар мэдээлжээ.. Самчок дүүргийн аврах ангийнхан ирж цогцосыг далайгаас гарган авсан бөгөөд хэргийг шалгаж байгаа аж. Амиа алдсан залуу тус улсад гэрээгээр ажилладаг, 35 настай Монгол залуу болохыг тогтоожээ.