Модны хулгайч хүндээр гэмтлээ

Нийслэлийн  тусгай хамгаалалттай ногоон бүс  болох Богд ууланд хулгайгаар мод бэлтгэгчид ихэссэн байна. Эдгээр иргэний нэг нь  модонд даруулж хүндээр гэмтжээ. Гэмтсэн иргэн ГССҮТ-д яаралтай хагалгаанд орсон бөгөөд биеийн байдал нь тун хүнд байгаа аж. Эх сурвалжийн  хэлж байгаагаар Цайз зах дээр модны ченж хийдэг гурван залуу  Богд уулнаас мод бэлтгүүлэхээр гурван бригад авч явсан байна. Нийтдээ 30 орчим иргэн хулгайгаар мод бэлтгэж  Богд ууланд тав хоносон байна. Ингээд өчигдөр өглөөгүүр хоёр иргэн модонд дарагдсан бөгөөд нэгийнх нь биеийн байдал хүнд байгаа аж. Дашрамд дуулгахад модны хулгайчид Богд ууланд цэвэрлэгээ хийнэ гэж гараад ийнхүү хулгайгаар мод бэлтгэдэг аж.